Гашева Руфина Сергеевна

Внешние изображения
Внешние изображения
	Руфина Гашева да Наталья Меклин По-2 самолёттэз дынын.
	Шойгу пӧв Востряковскӧй шойнаын.

Гашева Руфина Сергеевна
Гашева Руфина Сергеевна
Чужан лун	1921 во аршӧр 14 лун
Чужанін	Верхнечусовские Городки[d], Пермский уезд[d], Пермскӧй губерния[d], РСФСР[d];
Кулан лун	2012 во тулыспом 1 лун (90 лет)
Куланін	Москва, Российскӧй Федерация;
Киндор	СССР→ Российскӧй Федерация
Войскоэз род	ВЛВ
Кысъялан воэз	1941—1956
Званнё
Часть	46 гбап
Тышккез/войнаэз	Великӧй Отечественнӧй война
Отставкаын	издательствоын редактор

РНА-лӧн экспертиза

Чулӧтӧм экспертиза
Россиялӧн наукаэз академияӧн

Унажык

Гашева Руфина Сергеевна (1921 во аршӧр 14 лун, Верхнечусовские Городки^[d], Пермскӧй губерния^[d] — 2012 во тулыспом 1 лун, Москва) — 2-ӧт Белорусскӧй фронтлӧн 4-ӧт лэбса армиялӧн 325-ӧт лэбса бомбардировочнӧй авиационнӧй дивизияись 46-ӧт гвардейскӧй ойся бомбардировочнӧй авиационнӧй полклӧн (немеццезӧн вӧлі шуӧм «Ойся ведьмаэз») эскадрильяись штурман, гвардияись старшӧй лейтенант. Советскӧй Союзлӧн Герой (1945).

Олантуй

Чужис 1921 во аршӧр 14 лунӧ Пермскӧй губернияись Пермскӧй уездлӧн Верхнечусовские Городки посадын (ӧні — Чусва районлӧн карся типа посёлок) велӧтісь семьяын. 1922 воӧ семьяыс муніс мамыс чужанінӧ Горьковскӧй областись Чкаловскӧй районлӧн Катунки деревняӧ. 1923 воӧ, айыс кулӧм бӧрын, Руфина мамыскӧт ӧтлаын бертіс Уралӧ.

1930 воӧ локтіс Москваӧ, кытӧн помаліс витвося школа. Сэтчин жӧ Гашева велӧтчис снайперрез школаын да пырис комсомолӧ.

1941 воӧ помаліс Москва канмуся университетісь (перм.рус. механико-математическӧй факультетлісь 2 курс. Куимӧт курс коста, 1941 вося аршӧрӧн Гашева вӧлі ыстӧм кокнит ойся бомбардировщиккез полкӧ. 1942 воӧ Гашева помаліс Энгельсісь военнӧй авиационнӧй пилотскӧй школа бердын штурман курссэз. Кысъяліс медодз кыдз самолёт штурман, да сыбӧрын эскадрилья штурман^[1].

1944 вося одзтӧв кежӧ Гашева керис 823 боевӧй лэбзьӧм, вайис паныталісь боевӧй техникалӧ да ловья вынлӧ тӧдчана урон. Кыкись вӧлі уськӧтӧм враг зенитчиккезӧн.

СССР Медвылісь Совет Президиумлӧн 1945 во тӧвпом 23 лунся Указӧн гвардияись старшӧй лейтенант Руфина Сергеевна Гашевалӧ «немецкӧй захватчиккезкӧт тышкасян фронт вылын командованнёлісь боевӧй заданнёэз образцӧвӧя тыртӧм да сы коста отвага да героизм мыччалӧм понда» вӧлі сетӧм Советскӧй Союзлӧн Герой званнё ошкӧмӧн Ленин нима орденӧн да «Зарниа Кӧдзув» медальӧн (№ 4853)^[2].

Война бӧрын

1952 воӧ помаліс Визирсайся кыввез сьӧрті военнӧй институт. Уджаліс английскӧй кыв велӧтісьӧн бронетанковӧй войскоэзлӧн Военнӧй академияын 1957 воӧдз. 1956 восянь — запасын, майор званнёын.

Запасӧ петӧм бӧрын Руфина Гашева уджаліс СССР ДМ издательствоын старшӧй контрольнӧй редакторӧн. Оліс Москваын да участвуйтіс томпӧлӧсӧс патриотическӧя быдтӧмын.

Куліс 2012 во тулыспом 1 лунӧ. Дзебӧм Москваын Востряковскӧй шойнаын (перм.рус..

Семья

Айка: Михаил Степанович Пляц, авиацияись полковник, война коста 889-ӧй ойся бомбардировочнӧй авиационнӧй полклӧн звеноись штурман.

Зон: Пляц Владимир Михайлович (чуж. 1948) — генерал-майор, Российскӧй Федерация Президентлӧн Администрацияись кадрӧвӧй юалӧммезӧн веськӧтланінлӧн тодиль службаэзын кадрӧвӧй политика департаментӧн начальник .
Ныв: Пляц Марина Михайловна.

Касьтылан пӧв Гашева Руфина Сергеевналӧ^[3]^[4]

Донтан пассэз

«Зарниа Кӧдзув» медаль (№ 4853);
Ленин нима орден;
Кык Гӧрд Дӧрапас орден;
Кык Отечественнӧй войнася 1 тшупӧта орден;
Кык Гӧрд Кӧдзув орден;
«Кавказ дорйӧм понда» медаль;
«1941—1945 воэзся Великӧй Отечественнӧй войнаын Германия вермӧм понда» медаль;
«Варшава мездӧм понда» медаль.

Касьтылӧм

Лётчица Руфина Гашевалӧ мемориальнӧй пӧв ӧшӧтӧм 2017 воӧ Москваын, Флотскӧй улицася 28 керкуись 1 корпус вылын.

1985 воӧ паськыта тӧдса серпасалісь Сергей Бочаров серпасаліс натурнӧя «Групповой портрет лётчиц — Героев Советского Союза 46-го гвардейского ночного бомбардировочного авиационного Таманского Краснознамённого и ордена Суворова полка. Ночные ведьмы» нима ыджыт серпас, дӧра, рӧмави 200х250 см. Серпас вылас Гашева Р. С. веськыт ладорас пукалӧ медодззаӧн. Картинасӧ видзӧны Москваын авиация да космонавтика музейын.

Пасйӧттэз

↑ Московский университет в Великой Отечественной войне, 2020, с. 175.
↑ Указ Президиума Верховного Совета СССР от 23 февраля 1945 года. Подвиг народа. Видзӧтӧм 23 Одзгожум 2026.
↑ На Флотской улице открыли мемориальную доску лётчице Руфине Гашевой. mos.ru (2017-02-03). Видзӧтӧм 23 Одзгожум 2026.
↑ Мемориальные доски города Москвы - Портал открытых данных Правительства Москвы. data.mos.ru. Видзӧтӧм 23 Одзгожум 2026.

Литература

Гашева Руфина Сергеевна // Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1987. — Т. 1 /Абаев — Любичев/. — С. 316. — 911 с. — 100 000 экз. — ISBN отс., Рег. № в РКП 87-95382.
Бобров Н. Дочери Родины // Сталинский Сокол — 1945. — № 20 (318). — С. 4.
Аронова Р. Е. — «Ночные ведьмы». Саратов, 1983. — 116 с.
Ракобольская И. В., Кравцова Н. Ф. — «Нас называли ночными ведьмами». М.: Изд-во МГУ, 2005. — 336 с.
Селищев И. Подруги // Героини: очерки о женщинах — Героях Советского Союза / ред.-сост. Л. Ф. Торопов; предисл. Е. Кононенко. — Вып. 1. — М.: Политиздат, 1969. — 447 с.
Московский университет в Великой Отечественной войне. — 4-е, переработанное и дополненное. — М.: Издательство Московского университета, 2020. — С. 175—177. — 632 с. — 1000 экз.
Москатов Генрих Карлович. О "небесных тихоходах", ночных бомбардировщиках и КОЕ о чем ещё // Научный вестник оборонно-промышленного комплекса России. — 2015. — № 1.
Гогунская Татьяна Александровна. Женщины-герои Крыма: военный подвиг, память и бессмертие // Наука. Общество. Оборона. — 2019. — № 2 (19).

Ыстӧттэз

[_9e829c92f5088a75-1] Московский университет в Великой Отечественной войне, 2020, с. 175.

[2] Указ Президиума Верховного Совета СССР от 23 февраля 1945 года. Подвиг народа. Видзӧтӧм 23 Одзгожум 2026.

[3] На Флотской улице открыли мемориальную доску лётчице Руфине Гашевой. mos.ru (2017-02-03). Видзӧтӧм 23 Одзгожум 2026.

[4] Мемориальные доски города Москвы - Портал открытых данных Правительства Москвы. data.mos.ru. Видзӧтӧм 23 Одзгожум 2026.

[1]

[2]

[3]

[4]