Вурдов Алексей Иванович
| Вурдов Алексей Иванович | |
|---|---|
 | |
| Чужан лун | 1956 во тӧвпом 21 лун |
| Чужанін | |
| Кулан лун | 2024 во тулыспом 17 лун (68 лет) |
| Куланін | |
| Канму | |
| Удж | гижись |
Вурдов Алексей Иванович (1956 во тӧвпом 21 лун, Инта, Коми Республика — 2024 во тулыспом 17 лун, Усогорск[d], Коми Республика) — коми гижись. Россия гижиссез союз пырись (2008 восянь)[1].
Олантуй
Алексей Вурдов чужис Инта карын 1956 во тӧвпом 21 лунӧ. Интаас аймамыс вӧлісӧ локтӧмӧсь Удора районісь Слӧбӧдаяг посадісь. Шахтаын вит во уджалӧм бӧрын нія бертісӧ Удораас. 1959 восянь быдмис Ыджыдъяг посёлокын да Слӧбӧдаяг посадын.
1973 воӧ помаліс Косланісь шӧрӧт школа. 1978 воӧ помаліс Кардор вӧрвӧдитан институт «вӧрвӧдитӧм сьӧрті инженер» специальность сьӧрті, заочнӧя помаліс Ленинградісь финансово-экономическӧй институт.
1970—1980 воэзӧ уджаліс Кардор Мехлесхозын лесничӧйлӧ отсалісьӧн . 1980—1982 воэзӧ вӧлі Кардор областись Приморскӧй районын комсомол райкомын инструкторӧн. 1982—1991 воэзӧ уджаліс Кардорын пытшкӧсса делоэз сьӧрті органнэзын офицерӧн, вӧлі спецназ командирӧн.
1991 воӧ осьтіс охранно-сыскнӧй фирма, кӧдӧн юраліс 1994 воӧдз (Кардор кар), вӧлі йӧзкостся концернлӧн филиалын опастӧмалан служба начальникӧн, войтыркостса концернлӧн экономическӧй юалӧмъяс кузя сӧветникӧн (1994—1998, Москва кар)[2].
Комиӧ воӧм бӧрын уджаліс мастерӧн «Усогорсклес» леспромхозын, Усогорскса жилищно-коммунальнӧй овмӧсын. 2004 восянь инвалидносьт кузя (ранитчӧм бӧрын) пенсия вылын.
2014 вося лӧддза-номъя тӧлысьын А. И. Вурдов муніс Украина асыв-лунвылӧ, пырӧма ополченечьяс радӧ. Война вылын сійӧ вӧлі ранитчӧма осколокӧн да контузитчӧма.
Куліс 2024 во тулыспом 17 лунӧ Усогорскын[3].
Гижан удж
Литератураӧ Алексей Вурдов локтіс олӧмсӧ тӧдісь мортӧн. Гижан уджӧ кутчис 2002 воӧ. Гижӧ комиӧн да рочӧн. Гижӧмсӧ йӧзӧтліс «Войвыв кодзув» да «Арт» журналлэзын, российскӧй да республикася газетаэзын.
Медодзза висьт небӧгыс петіс 2005 воӧ комиӧн да шусис «Менам Йирва», мӧдыс — 2007 воӧ — «Сир войт». Куимӧт небӧгыс петіс рочӧн 2008 воӧ «Ирвинские сны» нимӧн. 2011 воӧ лэдзис «Удоралӧн история — мойдӧмъясын» небӧг.
Россия гижиссез союзын 2008 восянь. Кыкись босьтліс I места «Эзысь борд» конкурсын «Проза» номинацияын.
Гижис сценарийез да Сыктывкарысь Евгений Танимовкӧт керисӧ нёль кинофильм: «Эхо зырянской Ежуги» (2011), «Дух Большого Субача» (2012), «Ирвинское зазеркалье» (2012), «Легенда о мезенской чуди» (2013). Кинофильммес вӧлісӧ мыччалӧмӧсь фин-йӧгра отирлӧн «Туйвеж» визуальнӧй искусствоэз фестиваль вылын.
«Дух Большого Субача» нима кинофильмын А. Вурдов ачыс орсіс шаман Омаӧс[4].
2013 воӧ Алексей Вурдов гижис рочӧн челядь понда «Заветная мечта» да «Тайна пармы» пьесаэз, комиӧн «Кык вылӧ ӧти шуд» да «Кодрасьӧм» пьесаэз.
2014 во гожумӧн муніс Донецк йӧзкостса республикаӧ ополченецӧн, медым тышкасьны Украинаса армия паныт. Кыкись вӧлі дойдӧм да бертіс Сыктывкарӧ бурдӧтчыны, гижис рочӧн «Донецкие рассказы» висьт чукӧр, кӧда петіс «Выль туйӧд» газетаын[5] да лӧсьӧтӧм йӧзӧтны «Юность» журналын.
Небӧггез
• Менам Йирва: висьтъяс. — Сыктывкар: Полиграф-Сервис, 2005. — 123 л.б.
• Сир войт: висьтъяс, повесьтъяс. — Сыктывкар: «Арт», 2007. — 142 л.б.
• Ирвинские сны. Сыктывкар: ООО Издательство «Кола», 2008. — 144 с.
• Удоралӧн история мойдӧмъясын: (XIV нэмсянь — XX нэмса 10-ӧд воясӧдз). — Сыктывкар: ООО Издательство «Кола», 2011. — 60 л.б.
• Донецкие рассветы. — 2016.
• Родное эхо : рассказы, пьесы. — Сыктывкар: Кола, 2017. — 134 с.
• Загадочная Удора. — Усогорск, 2017. — 185 с.
• Дзирдалан чиръяс: рассказы, сказки, пьесы, загадки, песни: на коми яз. / худож. С. Г. Семяшкин. — Сыктывкар: Кола, 2017. — 60 с.
• Таежная истина: повесть. — [Б. м : б. и.], 2020. — 54 с.
Пасйӧттэз
- ↑ Алексей Иванович Вурдов: писатель, поэт-песенник, сценарист рус.. Библиотека им.Маршака (20-02-2021). Видзӧтӧм 14 Аршӧр 2025.
- ↑ Вурдов Алексей Иванович рус.. НБРК. Видзӧтӧм 14 Аршӧр 2025.
- ↑ В Коми ушел из жизни известный писатель Алексей Вурдов рус.. АиФ. Коми (18-05-2024). Видзӧтӧм 14 Аршӧр 2025.
- ↑ Кудинова А. Алексей Вурдов сыграл лесного духа в короткометражном фильме про удорскую речку Субач рус.. «Республика» газет (2013-02-22). Видзӧтӧм 14 Аршӧр 2025.
- ↑ Чупров В., Ковалева А. На войну по доброй воле. В рядах ополченцев юго-восточной Украины сражаются и наши земляки рус.. «Республика» газет (2014-09-26). Видзӧтӧм 14 Аршӧр 2025.