Вилесов Фёдор Иванович

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Вилесов.
Вилесов Фёдор Иванович
Федор Иванович Вилесов.jpg
Чужан лун 1925 во арпом 13 лун(1925-11-13)
Чужанін
Кулан лун 1978 во тӧвпом 7 лун(1978-02-07) (52 года)
Куланін
Канму
Уджаланін Физика туялана институт, Ленинград канмуся университет
Велӧтчанін Ленинград канмуся университет (1955)
Учёнӧй тшупӧт физика-математика тӧдӧмын доктор
Учёнӧй званнё профессор
Научнӧй юралісь А. Н. Теренин
Донтан пассэз да премияэз
Медаль «За победу над Германией в Великой Отечественной войне 1941—1945 гг.»
Государственная премия СССР

Вилесов Фёдор Иванович (1925 во арпом 13 лун, Юсьва, Уральскӧй область[d] — 1978 во тӧвпом 7 лун, Ленинград[d]) — советскӧй физикохимик, ыджыт туялісь спектроскопияын, фотофизикаын да фотохимияын, физика-математика тӧдӧмын доктор, профессор. СССР Канмуся премиялӧн лауреат (1985). Великӧй Отечественнӧй войнаын участник.

Олантуй

Чужис 1925 во арпом 13 лунӧ Уральскӧй областись Белюков деревняын (ӧні — Пермскӧй крайись Юсьва посадлӧн тор).

1943 вося тӧвпомсянь шӧрӧт школа помалӧм бӧрын вӧлі босьтӧм Гӧрд Армияӧ да военнӧй саридзвывся авиационно-техническӧй училище помалӧм бӧрын 1943 вося одзарӧн иньдӧм армияӧ, Великӧй Отечественнӧй войнаын участник СССР ВСФ ВЛВ 56-ӧт авиационнӧй база составын. Старшӧй сержант званнёӧн 1950 воӧ вӧлі демобилизуйтӧм Советскӧй армияись[1][2].

1950—1955 воэзӧ велӧтчис Ленинград канмуся университетлӧн  (перм.рус. физика факультетын, велӧтчытӧн уджаліс ЛКУ бердся туялана лабораторияын. 1955 восянь 1957 воӧдз велӧтчис Физика туялана институтлӧн аспирантураын академик А. Н. Теренин  (перм.рус. кипод увтын[1][2][3].

1959 воӧ дорйис физика-математика тӧдӧмын кандидат диссертация (темаыс рочӧн «Исследование фотоионизации органических паров и изучение влияния адсорбированных слоев на фотоэлектрическую эмиссию полупроводниковых катализаторов»)[4][3]. 1966 воӧ дорйис физика-математика тӧдӧмын доктор тшупӧта диссертация (темаыс рочӧн «Фотоионизация органических молекул»)[3][5].

1957—1968 воэзӧ уджаліс Физика туялана институтын ассистентӧн, доцентӧн, юралісь вежлісьӧн, да 1968—1978 воэзӧ — фотоника кафедраӧн юралісьӧн. Ӧткоста 1967 восянь сылӧ вӧлі сетӧм физика кафедра сьӧрті профессор ним, да 1977—1978 воэзӧ сія вӧлі Ленинград канмуся университетлӧн ӧтӧртӧдмалана факультетлӧн деканӧн[1][2].

Медшӧр уджыс киння Ф. И. Вилесовыс вӧлі бӧрйывлӧм РСФСР-ись Вылісь да шӧрӧт специальнӧй велӧтан министерствоись Ӧтласа физика сьӧрті советлӧн председательӧн. Сія 150-ся унажык туялан уджлӧн автор, сы кипод увтын дорйӧмӧсь 17 кандидат да доктор диссертацияэз[1][2].

1985 воӧ КПСС ЦК да СССР-ись Министррез Совет постановленёӧн Ф. И. Вилесов вӧлі ошкӧм СССР Канмуся премияӧн  (перм.рус. (кулӧмыс бӧрын) «Разработка метода фотоэлектронной спектроскопии и его применение в науке и технике» нима удж цикл понда (1961—1983)[6].

Куліс 1978 во тӧвпом 7 лунӧ Ленинградын, дзебӧм Южнӧй шойнаын[1].

Донтан пассэз

  • «1941—1945 воэзся Великӧй Отечественнӧй войнаын Германия вермӧм понда» медаль[7];
  • СССР Канмуся премия (1985 — кулӧмыс бӧрын) «Разработка метода фотоэлектронной спектроскопии и его применение в науке и технике» нима удж цикл понда (1961—1983)[6].

Пасйӧттэз

  1. ↑ 1 2 3 4 5 «Химия высоких энергий» / Фёдор Иванович Вилесов (1925—1978) // Изд-во: Наука, 1978 г. — 286 с.
  2. ↑ 1 2 3 4 «Физика, химия» / Ф. И. Вилесов (1925—1978) // Изд-во: Ленинградского университета, 1978 г. — 145 с.
  3. ↑ 1 2 3 Федор Иванович Вилесов (1925–1978). Физический факультет СПбГУ. Видзӧтӧм 26 Одзгожум 2026.
  4. ↑ Вилесов, Федор Иванович. Исследование фотоионизации органических паров.... Российская государственная библиотека. Видзӧтӧм 23 Одзгожум 2026.
  5. ↑ Вилесов, Федор Иванович. Фотоионизация органических молекул. Российская государственная библиотека. Видзӧтӧм 23 Одзгожум 2026.
  6. ↑ 1 2 Постановление ЦК КПСС и СМ СССР «О присуждении Государственных премий СССР в области науки и техники» // Правда. — 1985. — Ноябрь.
  7. ↑ Вилесов Федор Иванович, наградной документ. Подвиг народа. Видзӧтӧм 23 Одзгожум 2026.

Литература

  • Химический энциклопедический словарь: Справочник / сост.: И. Л. Кнунянц, Е. В. Вонский, А. А. Гусев, Н. М. Жаворонков. — М.: Советская энциклопедия, 1983. — 788 с.

Ыстӧттэз

Босьтӧма "https://koi.ruwiki.ru/w/index.php?title=Вилесов_Фёдор_Иванович&oldid=218542"-ись