Вилесов Александр Иванович

Вилесов Александр Иванович
Вилесов Александр Иванович
Медшӧр юӧррез
Канму	СССР
Чужан лун	1908 во гожумпом 25 лун
Чужанін	Юсьва, Пермскӧй губерния[d], Соликамскӧй уезд[d], Российскӧй империя[d];
Кулан лун	1996 во одзтулыс 15 лун (87 лет)
Куланін	Екатеринбург, Свердлов лапӧв, Российскӧй Федерация;
Удж
Велӧтчӧм	Свердловскӧй индустриальнӧй техникум; Уральскӧй индустриальнӧй институт
Работал в городах	Свердловск, Магнитогорск, Челябинск, Златоуст, Саратов, Москва
Архитектура стиль	Сталинскӧй ампир, конструктивизм
Медшӧр строитӧммез	Магнитогорскӧй металлургическӧй комбинат; Уральскӧй военнӧй округ штаблӧн керку
Карся строитан проекттэз	Свердловск кар реконструкциялӧн генеральнӧй план; (1936—1940 гг.)
Памятниккез реставрируйтӧм	Свердловскӧй том видзӧтісьлӧн театр; Свердловск область гортладор туялана музей
Туялан уджжез	Материалы к Биографическому словарю архитекторов народов СССР; ; Воинскӧй званнё:; ; капитан
Премияэз

Вилесов Александр Иванович (1908 во гожумпом 25 лун, Юсьва, Пермскӧй губерния^[d], Соликамскӧй уезд^[d], Российскӧй империя^[d] — 1996 во одзтулыс 15 лун, Екатеринбург, Свердлов лапӧв, Российскӧй Федерация) — советскӧй архитектор, СССР-лӧн архитекторрез союзӧ пырись (1935 восянь), Советско-финляндскӧй да Великӧй Отечественнӧй войнаэзын участник.

Олантуй

Чужис 1908 гожумпом август 25 лунӧ Пермскӧй губерняись Юсьва посадын, унакагаа крестьяна семьяын (даскватьӧт кагаӧн).

1925—1929 воэзӧ велӧтчис Уральскӧй индустриальнӧй техникумлӧн архитектура юкӧтын архитектор Виктор Безруковкӧт ӧтлаын^[1]. 1929—1934 воэзӧ одзлань велӧтчис Урался индустриальнӧй институтын (перм.рус.. 1937 воӧ Ленинградын помаліс СССР-ись художествоа академия бердся архитекторрезлісь квалификация бурсьӧтан курссэз.

«Серп и молот» нима заводлӧн клуб
(Москва, л.в. 1933)

«Дом обороны» нима комплекслӧн клуб керку
(Свердловск, л.в. 1934)

Урался военнӧй округ штаблӧн комплекс
(Свердловск, л.в. 1940)

1926 восянь уджаліс Свердловск кар строитӧмын, ӧткоста велӧтчӧмӧн.

Техникум помалӧм бӧрын, 1929 восянь 1935 воӧдз уджаліс «Магнитострой» да «Военстрой» проектнӧй организацияэзын, участвуйтіс Магнитогорск кар да Магнитогорскӧй металлургическӧй комбинат строитӧмын^[2].

1935 восянь 1940 воӧдз уджаліс Свердлгорсовет Исполкомлӧн Архитектурно-планировочнӧй № 1 мастерскӧйын архитектор В. Д. Соколов кипод увтын. Участвуйтіс Свердловск реконструкция проект лӧсьӧтӧмын (1936—1940 воэз).

1940 восянь 1945 воӧдз кысъяліс Гӧрд Армияын, участвуйтіс Советско-финляндскӧй (1939—1940) (перм.рус. да Великӧй Отечественнӧй (1941—1945) войнаэзын. Воюйтіс Ленинградскӧй, Калининскӧй да Лунвывся фронттэзын, служитіс 14-ӧт запасісь авиаполкын. Помаліс войнасӧ капитан званнёын. Ошкӧм Гӧрд Кӧдзув орденӧн, Отечественнӧй война ІІ тшупӧта орденӧн (06.04.1985), «Ленинград дорйӧм понда», «1941-1945 воэзся Великӧй Отечественнӧй войнаын Германия вермӧм понда» медаллезӧн (05.11.1945)^[3], мӧдік донтан пассэзӧн.

Демобилизуйтчӧм бӧрын 1946—1963 воэзӧ уджаліс юралісь вежлісьӧн — Свердловскӧй горисполкомлӧн строитӧм да архитектура делоэз сьӧрті юкӧтын юралісь инженерӧн, да сыбӧрын 1963—1972 воэзӧ «УралпромстройНИИпроект» институтын юралісь специалистӧн, промышленнӧй узеллэз да генплан юкӧт юралісьӧн^[2].

1972 восянь вӧлі пенсия вылын.

А. И. Вилесов проекттэз сьӧрті лэбтӧмӧсь уна оланін да коммунальнӧй да отиркостся объекттэз: олан керкуэз, казармаэз, общежиттёэз, гостиницаэз, клуббез да культура керкуэз, интерьеррез рестораннэзын, кафеэзын, сёяніннэзын, магазиннэзын Свердловск, Магнитогорск, Челябинск, Златоуст, Саратов каррезын, военнӧй городоккезын; нянь завод да фабрика-кухня Магнитогорск карын. Свердловскын лэбтӧм Уральскӧй военнӧй округ штаблӧн комплекс, реконструируйтӧмӧсь Том видзӧтісьлӧн театр (перм.рус. да кынымкӧ библиотека.

Войнабӧрся кадӧ сія керис ыджыт проектно-планировочнӧй удж: Свердловск карлӧн Генеральнӧй планын «Промышленность зорӧтӧм» юкӧт, мый понда Вилесовлӧ вӧлі сетӧм СССР Министррез Советсянь премия, сыбӧрын — Свердловск карлӧн «Промышленность зорӧтӧмлӧн схема» да «Промышленнӧй узеллэзлӧн генпланлӧн схема» (кыкъямыс проект) да Свердловск областьлӧн ӧтік-мӧдік каррез. Александр Иванович сідзжӧ рецензируйтіс Свердловскӧй областьлӧн каррез да оланіннэз сьӧрті 20 планируйтан проект.

Конкурс проекттэз коласын Вилесовлӧн — 250 местаа типовӧй клуб (1948, 1 премия) да Свердловскын гортладор туялана музей реконструкция проект (1949, 1 премия). Ӧтлаын сыӧн керӧм проекттэз Москваын «Серп и Молот» нима завод клуб (1929, содтӧт премия), кык клуб Магнитогорскын (1930, 1 да 2 премияэз) да Свердловскын Дорйӧм керку (1932, 2 премия).

СССР архитекторрез Союзӧ пырисьӧн (1935 восянь) А. И. Вилесов 10 во сьӧрна вӧлі сы правленнёын, сымда жӧ во сія вӧлі Свердловскӧй организацияын Свердловскӧй организация правленнёӧн юралісьӧн, 15 во уджаліс Свердловскӧй организацияын архитектор-ветераннэз советӧн юралісьӧн.

28 во сьӧрна, 1966 восянь — Вилесов вӧлі История да культура памятниккез видзан дӧсроссияса чукӧрлӧн Свердловскӧй карся советӧ пырисьӧн да юралісьӧс вежлісьӧн. Вӧлі Свердловскӧй карся да областнӧй строительно-архитектурнӧй юкӧттэзлӧн карстроитан советтэзӧ пырисьӧн. Вӧлі сӧветскӧй архитекторрезлӧн квать съездын делегатӧн, участвуйтіс Москва карын архитекторрезлӧн Йӧзкостся Союзлӧн V Конгресс уджын да архитектура юалӧммез сьӧрті уна ыджыт тематическӧй дӧссоюзся, республиканскӧй да зональнӧй совещаннёэзын. Витісь бӧрйывлӧм Свердловск карын уджалісь йӧзлӧн депутаттэзлӧн районнӧй да карся советтэзӧ депутатӧн^[2].

А. И. Вилесов нуӧтіс велӧтан удж: 1930 воӧ — строительнӧй десятниккезлӧн курссэзын Магнитогорск карын; 1929, 1940, 1949 да 1950 воэзӧ — Свердловскӧй архитектурно-строительнӧй техникумын; 1952—1954 годдэзӧ — РСФСР-ись коммунальнӧй уджаліссезӧс бурсьӧтан институтлӧн филиалын. Лыддьӧтіс лекцияэз, публикуйтіс статьяэз архитектура да карстроитӧм сьӧрті тодиль лэдзассэзын да периодикаын. Лӧсьӧтіс «Справка по истории Свердловской организации Союза архитекторов за период с 1923 по 1962 год» нима небӧг. Вӧлі Свердловскӧй региональнӧй кывкуда группаӧн юралісьӧн «СССР-ись народдэзлӧн архитекторрезлӧн биографическӧй кывкуд» понда материаллэз лӧсьӧтӧм сьӧрті^[2].

Вӧлі бур серпасалісьӧн, уджаліс акварельӧн^[2].

Куліс 1996 во одзтулыс 15 лунӧ Екатеринбургын. Дзебӧм Широкореченскӧй шойнаын.

Семья

Вон — Вилесов Владимир Иванович (1890—1972), горнӧй техник^[2].

Инь — Яковлева Валентина Тимофеевна (1909—1992), инженер-строитель^[2].

Ныв — Вилесова Нинель Александровна (1931—2016), архитектор^[2].

Донтан пассэз

Отечественнӧй войнася II тшупӧта орден (06.04.1985)^[4];
«Бур удж понда, Владимир Ильич Ленин чужан лунсянь 100 во тырӧмлӧ» медаль (1970);
«Ленинград дорйӧм понда» медаль (1943)^[2];
«1941—1945 воэзся Великӧй Отечественнӧй войнаын Германия вермӧм понда» медаль (1945);
СССР-лӧн да Российскӧй Федерациялӧн юбилей медаллез;
СССР Министррез Советсянь премиялӧн лауреат^[2].

Пасйӧттэз

↑ Постоногов Ю. И. Первый выпуск архитекторов и дизайнеров УГТУ-УПИ в XXI веке рус.. Видзӧтӧм 10 Одзгожум 2026.
↑ ¹ ² ³ ⁴ ⁵ ⁶ ⁷ ⁸ ⁹ ¹⁰ Меллер А. Л. Ушедшие в вечность рус.. Видзӧтӧм 10 Одзгожум 2026.
↑ Подвиг народа. Видзӧтӧм 10 Одзгожум 2026.
↑ Подвиг народа. Видзӧтӧм 10 Одзгожум 2026.

Литература

Буклет выставки посвящённой 90-летию со дня рождения. — Екатеринбург, 1998;

Ыстӧттэз

[1] Постоногов Ю. И. Первый выпуск архитекторов и дизайнеров УГТУ-УПИ в XXI веке рус.. Видзӧтӧм 10 Одзгожум 2026.

[:0-2] ¹ ² ³ ⁴ ⁵ ⁶ ⁷ ⁸ ⁹ ¹⁰ Меллер А. Л. Ушедшие в вечность рус.. Видзӧтӧм 10 Одзгожум 2026.

[3] Подвиг народа. Видзӧтӧм 10 Одзгожум 2026.

[4] Подвиг народа. Видзӧтӧм 10 Одзгожум 2026.

[1]

[2]

[3]

[4]