Васютов Юрий Константинович

Васютов Юрий Константинович
Васютов Юрий Константинович
Чужан лун	1931 во арпом 14 лун
Чужанін	Колыванский район[d], Западно-Сибирский край[d], РСФСР[d], СССР[d];
Кулан лун	2006 во гожумшӧр 4 лун (74 года)
Куланін	Кослан[d], Коми Республика, Российскӧй Федерация;
Канму	СССР[d]; Российскӧй Федерация;
Велӧтчанін	Высшая партийная школа[d];
Удж	гижись

Васютов Юрий Константинович (1931 во арпом 14 лун, Колыванский район^[d], Западно-Сибирский край^[d] — 2006 во гожумшӧр 4 лун, Кослан^[d], Коми Республика) — коми гижись.

Олантуй

Юрий Васютов чужис 1931 арпом 14 лунӧ Новосибирск областись Колыван районісь Орскӧй Бор деревняын. 1932 воӧ аймамыс локтісӧ овны Коми (Зыряна) асвеськӧтлан обласьтлӧн Удора районӧ. 1948 воӧ помаліс Косланісь шӧрӧт школа.

Школа бӧрын помаліс радисттэзлісь курссэз, куим во сьӧрна уджаліс радистӧн «Мезеньлес» трестлӧн Удора леспромхозын.

1951—1954 воэзӧ кысъяліс Советскӧй Армияын.

Уджаліс ВЛКСМ райкомын. 1971 воӧ помаліс КПСС ЦК Вылісь партийнӧй школалісь журналистика факультет. Уджаліс журналистӧн районнӧй газетаын, радиоын, директорӧн районнӧй культура керкуын, Коми АССР-ись гижиссез союз правленнёись председательӧс вежлісьӧн.

Куліс 2006 во гожумшӧр 4 лунӧ Косланын^[1].

Гижан удж

Юрий Васютов тӧдса кыдз кывбур да проза гижись, челядь понда гижись. Медодзза кывбурсӧ йӧзӧтіс 1951 воӧ. Сэксянь гижисьлӧн петісӧ дасся унажык небӧг^[2].

1981 воӧ сылӧн петіс медучӧт челядь понда «Менам рӧдвуж» ӧктӧт. Челядь поэмаэзын автор сералӧ дышӧтчиссес вылын, ошшасиссес вылын.

Васютов комиӧтіс Пантелеймон Образцовлісь, Е. Пермяклӧн, французскӧй поэт Поль-Мари Фонтенлісь кывбуррез.

Васютов гижис и проза — висьттэз, кӧднаын рисуйтіс пармаись отир, том отир да чужан му. Сылӧн медтӧдса уджыс — «Парма Ёгор».

Ю. К. Васютов — СССР-ись гижиссез союзӧ пырись член (1973)^[3].

Небӧггес

Комиӧн

Пӧдарки: [кывбуръяс] / Ред. С. Морозов; серпасаліс П. Быстров. — Сыктывкар: Коми кн. изд-во, 1962. — 19 л.б.
Чушик-чушенька-чушок: [кывбуръяс] / Ред. В. А. Попов; серпасалiс В. Пунегов. — Сыктывкар: Коми кн. изд-во, 1965. — 17 л.б.
Сьӧлӧмӧй тані: кывбуръяс, поэма / Ред. В. А. Попов; серпасалiс М. П. Безносов. — Сыктывкар: Коми кн. изд-во, 1966. — 56 л.б.
Татчӧ волыны ме рад: поэма / Ред. В. А. Попов; серпасалic С. А. Торлопов. — Сыктывкар: Коми кн. изд-во, 1966. — 16 л. б.
Пӧртмасьысь войвыв: кывбуръяс, поэма / Ред. В. А. Попов; серпасалiс С. А. Добряков. — Сыктывкар: Коми кн. изд-во, 1973. — 88 л.б.
Быдӧнлӧн аслас сьӧлӧм: висьт да повестьяс / Ред. Т. Чукичева. — Сыктывкар: Коми кн. изд-во, 1978. — 192 л.б.
Менам рӧдвуж: [ичӧт арлыда челядьлы кывбурьяс] / Ред. В. А. Попов; серпасалiс А. В. Мошев. — Сыктывкар: Коми кн. изд-во, 1981. — 32 л.б.
Сёрмӧм тулыс: кывбуръяс, поэма / Ред. В. А. Попов; серпасалiс С. А. Холопов. — Сыктывкар: Коми кн. изд-во, 1984. — 111 л.б.
Шондіа вой: повесть / Серпасалic В. И. Краев. — Сыктывкар: Коми кн. изд-во, 1985. — 102 л.б.
Кӧйдыса во: кывбурьяс, поэмаяс / Ред. А. В. Тентюков; серпасалiс В. Б. Осипов. — Сыктывкар: Коми кн. изд-во, 1990. — 128 л.б.
Вӧрса олысь — Пожӧм Коль: [зонпоснияслы кывбуръяс ]. — Сыктывкар: Коми кн. изд-во, 1991. — 25 л.б.
Дурысьяс: [зонпоснияслы кывбуръяс ] / Ред. А. В. Тентюков; серпасалiс А. В. Мошев. — Сыктывкар: Коми кн. изд-во, 1994. — 16 л.б.
Нӧдкывъя олӧм: кывбуръяс, поэма / Серпасалiс В. А. Моторин. — Сыктывкар: Коми кн. изд-во, 1998. — 112 л.б.
Шондіа вой: повесьтъяс / Ред. А. В. Тентюков; серпасалiс И. П. Муравьев. — Сыктывкар: Коми небӧг лэдзанін, 2002. — 320 л.б.
Сигудӧка шоръяс: кывбуръяс, поэмаяс /Ред. М. Ю. Васютов, серпасалiс А. В. Мошев. — Сыктывкар: ред. журн. «Арт», 2008. — 368 л.б.
Зиль-зёль да силь-сёль: [кывбуръяс да висьтъяс] / Ред. В. И. Трошева; серпасалiс Г. Н. Шарипков. — Сыктывкар: Анбур, 2010. — 168 л.б.
Салдат Васюта: повесьт /Ред. М. Ю. Васютов. — Сыктывкар, ООО «Коми республиканская типография», 2016, 168 л.б.

Роч кыв вылӧ вуджӧтӧмӧн

Наш весёлый детский сад: [стихи для детей дошк. и мл. шк. возраста ] / Рер. с коми А. Клейн; худож. С. А. Торлопов. — Сыктывкар: Коми кн. изд-во, 1969. — 15 с.
Лесной костёр: стихи, поэма / Ред. А. Я. Алтушев; пер. с коми Г. Пагирев; худож. В. С. Порохня. — Сыктывкар: Коми кн. изд-во, 1980. — 94 с.

Донтан пассэз

Коми АССР-лӧн культураын Заслуженнӧй уджалісь (1991)
Коми Республикаса правительствосянь литература юкӧнын (И. А. Куратов нима премия) премия лауреат — «Шондіа вой» небӧг понда (2003)

Пасйӧттэз

↑ Васютов Юрий Константинович. Национальная детская библиотека Республики Коми им. С. Я. Маршака. Видзӧтӧм 13 Арпом 2025.
↑ Васютов Юрий Константинович (1931 – 2006) рус.. Союз писателей Республики Коми | Гижысь Котыр. Видзӧтӧм 13 Арпом 2025.
↑ Васютов Юрий Константинович. Национальная электронная библиотека Республики Коми. Видзӧтӧм 13 Арпом 2025.

Ыстӧттэз

[1] Васютов Юрий Константинович. Национальная детская библиотека Республики Коми им. С. Я. Маршака. Видзӧтӧм 13 Арпом 2025.

[2] Васютов Юрий Константинович (1931 – 2006) рус.. Союз писателей Республики Коми | Гижысь Котыр. Видзӧтӧм 13 Арпом 2025.

[3] Васютов Юрий Константинович. Национальная электронная библиотека Республики Коми. Видзӧтӧм 13 Арпом 2025.

[1]

[2]

[3]