Благонравов Александр Иванович
| Благонравов Александр Иванович | |
|---|---|
|
| |
|
Коми-Пермяцкӧй ВКП(б) окружкомлӧн
ответственнӧй секретарь |
|
| 1930 — 1937 | |
| Одззася уджалісь | Артёмов Иван Афанасьевич |
| Одзлань уджалісь | Кривощёков Игнатий Николаевич |
|
Тамбов РКП(б) укомлӧн ответственнӧй секретарь
|
|
| 1924 — 1926 | |
|
|
|
| Чужӧм |
1894 во одзар 14 лун |
| Кулӧм | 1937 во аршӧр 9 лун (43 года) |
Благонравов Александр Иванович (1894 во одзар 14 лун, Тамбовская губерния[d] или Грязи[d], Тамбовская губерния[d] — 1937 во аршӧр 9 лун) — партийнӧй функционер, Коми-Пермяцкӧй ВКП(б) окружкомлӧн ответственнӧй секретарь 1930—1937 воэзӧ.
Олантуй
Чужис 1894 во одзар 14 лунӧ Тамбов губернияись Грязи станцияын (ӧння кадӧ Липецк областись Грязи кар) служащӧйез семьяын. 1910—1916 воэзӧ велӧтчис духовнӧй семинарияын. Помалӧм бӧрын, 1916—1918 воэзӧ, уджаліс велӧтісьӧн. 1918—1919 воэзӧ юраліс волостнӧй велӧтан юкӧтӧн. 1918 воӧ пырис РКП (б)-ӧ.
1920—1921 воэзӧ вӧлі ВКП(б) райкомын председательӧн. 1921—1927 воэзӧ уджаліс Тамбовся уезднӧй исполкомын. 1927—1928 воэзӧ уджаліс инструкторӧн Свердловскись ВКП(б) обкомын. 1928 восянь 1930 во тулыспомӧдз секретаритіс Ишимись окрисполкомын[1].
1930 во тулыспом 29 лунсянь уджаліс Коми-Пермяцкӧй округын, вӧлі пуктӧм Коми-Пермяцкӧй ВКП(б) окружкомӧ ответственнӧй секретарьӧн. Уджаліс постас 1937 во одзгожум 9 лунӧдз[2].
1937 во гожумшӧр 5 лунӧ вӧлі арестуйтӧм, винитӧм «контрреволюционнӧй» уджын[3]. 1937 во аршӧр 2 лунӧ судыс сетіс приговор: медвылісь мыжйӧм, эмбур конфискация. Вӧлі лыйӧм 1937 во аршӧр 9 лунӧ. Реабилитируйтӧм 1957 воӧ.
Пасйӧттэз
- ↑ Благонравов Александр Иванович // База данных "Лидеры Прикамья". Пермский государственный архив социально-политической истории. Видзӧтӧм 19 Гожумпом 2025.
- ↑ Первые секретари Коми-Пермяцкого окружкома КПСC (РКП (б), ВКП(б)). Коми-Пермяцкий окружной государственный архив. Видзӧтӧм 19 Гожумпом 2025.
- ↑ Колдушко Анна Анатольевна. Дело повстанческой контрреволюционной организации: проведение кулацкой операции в Коми-Пермяцком округе в 1930-х годах // Вестник Пермского университета. Серия: История. — 2013. — № 1 (21).