Биологическӧй быдкодялӧм мирпасьта лун
| Биологическӧй быдкодялӧм мирпасьта лун | |
|---|---|
 | |
| Тип | Мирпасьта |
| Аркмӧтӧм | ООН Генеральнӧй Ансамблея резолюцияӧн |
| Чулӧтӧны | быд во |
| Лун | Тулыспом 22 лун |
Биологическӧй быдкодялӧм мирпасьта лун (рочӧн Международный день биологического разнообразия, англ. International Day for Biological Diversity, исп. Día Internacional de la Diversidad Biológica, фран. Journée internationale de la diversité biologique, араб. اليوم الدولي للتنوع البيولوجي, кит. 生物多样性国际日) — ООН отиркостся лун, чулӧтсьӧ тулыспом 22 лунӧ.
Аркмӧтӧм ООН Генеральнӧй Ассамблеяӧн (1994 во одзтӧв 19 лунся резолюция № A/RES/49/119)[1], медодз чулӧтсис одзтӧв 29 лунӧ, сэсся вӧлі вуджӧтӧм тулыспом 22 лун кежӧ[2].
Гижалӧм
Биологическӧй быдкодялӧм — ловья организммезлӧн уна пӧлӧс: бактерияэзсянь экосистемаэзӧдз[3]. Биобыдкодялӧмыс мыччалӧ ӧтласа баланс, сетӧмӧн быдӧс коланаӧ олӧм понда (ва, сёян, стабильнӧй климат, экономическӧй содӧм да мд.). Шуам:
- вӧрва ресурссэзсянь веськыта зависитӧ мировӧй ВВП-лӧн ыджытжык тор;
- уна отир олӧны саридзӧн;
- быдмассэз аркмӧтӧны отир сёянын унажык 80%-ся пай;
- кӧсін да океан экосистемаэз уджалӧны кыдз «углерод сёйиссез» да мд.[4][5].
Биобыдкодялӧмыслӧн орӧм вермас вайӧтны тшыгӧдз, зооноззэз паськӧтӧмӧдз, климат вежсьӧмӧдз да петкӧтны мӧдік бӧртассэз[6].
Биологическӧй быдкодялӧм ошӧ унажыксӧ мортлӧн хозяйственнӧй удж, вӧрва ресурссэз нерациональнӧя используйтӧм, мортпӧлӧс содӧм, вывті уна потребляйтӧм, вӧрванятьӧсьтӧм кузя[6][4][7].
Биологическӧй быдкодялӧм лун чулӧтан могыс — паськыта петкӧтны отир син одзӧ фауна да быдмассэз бырӧм да чинӧм проблемаэз вылӧ[8][9].
ЮНЕСКО-лӧн генеральнӧй директор Одрэ Азуле[10]:
Миянлӧ колӧ кардинальнӧя вежны вӧрваын олӧмнымӧс да миянкӧт ӧтлаын эта планета вылын оліссезкӧт ӧтлаын олӧмлісь модельсӧ, пондӧтны планируйтны да строитны былись быдӧнным понда ӧтласа мир.
История
«Биологическӧй быдкодялӧм» терминыс аркмис 1970-ӧт воэзӧ[11]. Дас во бӧрті сія лоис паськыта тӧдса прикладнӧй да фундаментальнӧй биологияын[12].
1992 во тулыспом 22 лунӧ Рио-де-Жанейроын вӧлі бурсьӧтӧм биологическӧй быдкодялӧм йылісь Конвенция[8] — йӧзкостся правовӧй документ, кӧда могӧ пуктӧм биобыдкодялӧм видзӧм[13]. 1993 во одзтӧв 29 лунӧ конвенцияыс пырис вынӧ[2]. 2025 во тулыспом кеж документсӧ ратифицируйтісӧ 196 канму[14].
Одзлань конвенцияыс дынӧ вӧлісӧ содтӧмӧсь: биоопастӧмалӧм йылісь Картахенскӧй протокол (2000), генетика ресурссэз дынӧ сибӧтчӧм да ныись выгодаэзӧн справедливӧя да ӧткодь подув вылын ӧтлаын уджалӧм регулируйтӧм йылісь Нагойскӧй протокол (2010), кыввидз да компенсация йылісь Нагойско-Куала-Лумпурскӧй содтӧт протокол биоопастӧмалӧм йылісь Картахенскӧй протокол дынӧ (2010)[2].
1994 во одзтӧв 19 лунӧ ООН-лӧн Генеральнӧй Ассамблея аркмӧтіс Биологическӧй быдкодялӧм мирпасьта лун да пуктіс сійӧ чулӧтны декаб 29 лунӧ (Биологическӧй быдкодялӧм йылісь Конвенция вынӧ пырӧм лун)[1].
2000 во одзтӧлӧ Генеральнӧй Ассамблея вуджӧтіс чулӧтан лунсӧ тулыспом 22 лунӧ (конвенция кырымпасалӧм лун)[15].
2015 воӧ мирись лидеррез бурсьӧтісӧ 17 мог зорӧтӧм сьӧрті (гижӧмӧсь 2030 воӧдз зорӧтан программаын), кӧдаын ӧтік могнас вӧлі пуктӧм биобыдкодялӧм ӧштӧм дугдӧтӧм[16].
2022 во одзтӧлӧ 196 канму бурсьӧтісӧ биобыдкодялӧм видзӧм кузя Куньмин-Монреальскӧй глобальнӧй таса программа[4]. Документас пыртӧмӧсь 23 мог, кӧдна веськӧвтӧмӧсь вӧрва ресурссэз используйтӧм, биобыдкодялӧм видзӧм, экосистемаэз бертӧм вылӧ. Документсӧ реализуйтӧм понда канмуэзлӧ ковсьӧ лӧсьӧтны национальнӧй стратегияэз да быдкодялӧм видзӧм сьӧрті план[17].
Традицияэз
Быд во юӧртсьӧ виль тема. ООН-лӧн Генеральнӧй секретарь йӧзӧтӧ гижӧи донтан луныс йылісь казьмӧтӧм понда.
Мир пасьта эта лунӧ чулӧтсьӧны быдкодь мероприятттёэз: вӧрва дозирайтӧм сьӧрті лекцияэз, экологическӧй порйӧтаннэз, выставкаэз, ваэз сӧстӧмтӧм, вӧррез дзилялӧм сьӧрті акцияэз да мд[18].
Сідзжӧ лэдзӧны тодиль изданнёэз, кӧдна сиӧмӧсь биологическӧй быдкодялӧм мирпасьта донтан лунлӧ[2].
Донтан лунлӧн темаэз
- 2002 — «Вӧррезлӧн биобыдкодялӧм»[19].
- 2003 — «Биобыдкодялӧм да говолӧмкӧт пессьӧм — моггез зорӧтӧм понда»[2].
- 2004 — «Биобыдкодялӧм: продовольствие, вода и здоровье для всех».
- 2005 — «Биобыдкодялӧм: вежсяна мираным олан страхуйтӧм».
- 2006 — «Дорйыны биобыдкодялӧмсӧ кӧсіннэзын»[2].
- 2007 — «Биобыдкодялӧм да климат вежсьӧм».
- 2008 — «Биобыдкодялӧм да мувидзвӧдитӧм».
- 2009 — «Пӧдтана виддэз».
- 2010 — «Биобыдкодялӧм зорӧтӧм да говолӧм чинтӧм понда»[2].
- 2011 — «Вӧррезлӧн биобыдкодялӧм».
- 2012 — «Саридззезлӧн биобыдкодялӧм».
- 2013 — «Ва да биобыдкодялӧм».
- 2014 — «Діэзлӧн биобыдкодялӧм».
- 2015 — «Биобыдкодялӧм зорӧтан моггез понда»[2].
- 2016 — «Биологическӧй быдкодялӧм йылісь тематика актуализируйтӧм, отирлісь олан да олӧм видзӧм»[8].
- 2017 — «Биобыдкодялӧм да видзсяна туризм».
- 2018 — «Биобыдкодялӧм уджлӧ 25 во порйӧтӧм».
- 2019 — «Миян биобыдкодялӧм, миян сёян, миян лысин»[7].
- 2020 — «Миян Наши решения вӧрва понда».
- 2021 — «Мийӧ арталӧмлӧн тор #ForNature».
- 2022 — «Быдӧс ловьяыслӧ ӧтласа лоан кад аркмӧтӧм»[2].
- 2023 — «Сёрнисянь керӧмӧдз: биобыдкодялӧм бергӧтӧм».
- 2024 — «Ло план торӧн».
- 2025 — «Вӧрвакӧт арт да зорӧтӧм».
Йитӧм донтан луннэз
- Вӧрва мирпасьта лун (одзтулыс 3 лун).
- Вӧррез мирпасьта лун (одзтулыс 21 лун).
- Тропиккез мирпасьта лун (одзгожум 29 лун).
- Саридз мирпасьта лун (абу тодиль лун; чулӧтсьӧ одзар помӧ).
- Вӧрпиэз да пода дорйӧм мирпасьта лун (аршӧр 4 лун).
Пасйӧттэз
- ↑ 1 2 Document Viewer рус..
- ↑ 1 2 3 4 5 6 7 8 9 International Day for Biological Diversity - 22 May (2025-03-07).
- ↑ Биологическое разнообразие (ru-RU).
- ↑ 1 2 3 Что такое биоразнообразие и как его сохранить?.
- ↑ International Day for Biological Diversity | United Nations, United Nations. Дата обращения: 20 Тулыспом 2025.
- ↑ 1 2 Еле живая природа. По всей планете вымирают животные и растения. Чем это грозит человечеству?, Lenta.RU (6 Тӧвшӧр 2023). Дата обращения: 20 Тулыспом 2025.
- ↑ 1 2 Зачем празднуют Международный день биологического разнообразия, Парламентская газета (22 Тулыспом 2019). Дата обращения: 20 Тулыспом 2025.
- ↑ 1 2 3 Международный день биологического разнообразия, РИА Новости (22 Тулыспом 2016). Дата обращения: 20 Тулыспом 2025.
- ↑ Иван Обухов. Какой сегодня праздник: 22 мая – Международный день биологического разнообразия, Профиль (22 Тулыспом 2023). Дата обращения: 20 Тулыспом 2025.
- ↑ Международный день биологического разнообразия.
- ↑ Власова Е. А. Содержание понятия о биологическом разнообразии в профильном курсе биологии (2009).
- ↑ Биологическое разнообразие, Большая российская энциклопедия. Дата обращения: 20 Тулыспом 2025.
- ↑ Конвенция о биологическом разнообразии (RU).
- ↑ List of Parties.
- ↑ 55/201. Конвенция о биологическом разнообразии.
- ↑ Международный день биологического разнообразия.
- ↑ 22 мая: Международный день биологического разнообразия, Экологический информационный центр «Экоинфо». Дата обращения: 20 Тулыспом 2025.
- ↑ Всемирный День биологического разнообразия в ГДМ, РИА Новости (21 Одзтӧв 2002). Дата обращения: 20 Тулыспом 2025.
- ↑ International Day for Biological Diversity - 22 May 2002 (2006-12-14).
Литература
- Редникова Т. В. Значение конвенции CITES для охраны биологического разнообразия: полувековой опыт реализации положений // Международное право и международные организации. — 2023. — № 1.