Белоногов Михаил Прокопьевич
| Белоногов Михаил Прокопьевич | |
|---|---|
 | |
| Чужан лун | 1909 во |
| Чужанін | Пожва, Соликамскӧй уезд, Пермскӧй губерния, Российскӧй империя |
| Кулан лун | 1942 во гожумшӧр 18 лун |
| Куланін | Язвищи, Новгород область, РСФСР, СССР |
| Киндор |
 СССР |
| Званнё | мл. лейтенант |
| Сраженнёэз/войнаэз | Великӧй Отечественнӧй война |
| Донтан пассэз |
 |
Белоногов Михаил Прокопьевич (1909 во, Пожва, Соликамскӧй уезд, Пермскӧй губерния, Российскӧй империя — 1942 во гожумшӧр 18 лун, Язвища, Валдай район, Новгород область, РСФСР, СССР) — Великӧй Отечественнӧй войнаын участник, петкӧтӧм Советскӧй Союзлӧн Герой званнё дынӧдз.
Олантуй
Чужис 1909 воӧ Пожваын[1]. Мӧдік даннӧйез сьӧрті, чужис 1910 воӧ Пожва дынся Марьиноын[2].
Великӧй Отчественнӧй война коста воюйтіс Северо-Западнӧй фронтын, вӧлі 171 стрелковӧй дивизияись 713 стрелковӧй полк взвод командир, мл. лейтенант[3].
1942 во гожумӧн вӧлі петкӧтӧм Советскӧй Союзлӧн Герой званнё дынӧдз, сы туйӧ ошкӧм Ленин нима орденӧн. Кыдз гижӧм награднӧй листас, 1942 во гожумшӧр 17 лунӧ Белоноговлӧ вӧлі сувтӧтӧм мог паздыны враглісь дзот да босьтны ас кипод увтӧ траншея 175.2 йыв вылын. Белоноговыс бӧрйис сы понда 9 солдат. Бойӧн нія босьтісӧ ас кипод увтӧ траншеясӧ, сы коста уничтожитсӧ 30-ся унажык фашист. Видзсисӧ 3 контратакаын, врагыс лэдзис ны вылӧ 30 мымда снаряд да мина. Бойыс коста Белоноговыс вӧлі вийӧм[3].
Кулан луннас гижӧмӧсь 1942 вося гожумшӧр 17 нето 18 луннэз[1].
Донтан пассэз
- Ленин нима орден (29.08.1942)[1]
Касьтылӧм
- 2011 воӧ Демянскись поисковиккез гарйисӧ 172.5 йыв да лэбтісӧ 10 солдатлісь мортлыэз. Ны коласын вӧлі Белоноговыс. Дзебӧм 2011 во одзгожум 22 лунӧ Каменная гора деревня дынся ӧтшойнаӧ (Демянск район, Новгород область)[1].
- Пыртӧм пыр кеж 171 стрелковӧй дивизия (2-ӧт формированнё) нимлёдзӧ.
Пасйӧттэз
- ↑ 1 2 3 4 Белоногов Михаил Прокопьевич, 1909 г.р. Память народа (видзӧтан кад 03.04.2025)
- ↑ Белоногов Михаил Прокопьевич, 1910 Народная энциклопедия деревень Юсьвинского района Пермского края (видзӧтан кад 02.04.2025)
- ↑ 1 2 Белоногов Михаил Прокопьевич // Алексеев. В. А. Боевые подвиги пермяков. Том 1. — Оса: ООО «Росстани-на-Каме», 2022. — С. 21. — 156 с. — ISBN 5-88441-032-8