Беликов Юрий Александрович
| Беликов Юрий Александрович | |
|---|---|
 | |
| Чужан ним | Беликов Юрий Александрович |
| Чужан лун | 1958 во одзгожум 15 лун |
| Чужанін | Чусва, Пермскӧй область, РСФСР, СССР |
| Канму |
 СССР→ Российскӧй Федерация |
| Велӧтчанін | Перем канмуся университет (1980) |
| Удж | журналист, гижись, поэт, литература критик |
| Гижан кыв | роч |
| Премияэз |
|
| Донтан пассэз | Фёдор Достоевский нима 1 тшупӧта орден (2013) |
 Медиафайлы на РУВИКИ.Медиа | |
Беликов Юрий Александрович (1958 во одзгожум 15 лун, Чусва, Пермскӧй область[d]) — роч поэт да прозаик, эссеист, литература критик, журналист. «Времири», «Дети стронция», «Политбюро», «Монарх», «Дикороссы» поэзия чукӧррезлӧн лидер. Пырӧ XXI векся гижиссез Союзлӧн Медвылісь творческӧй советӧ; кыдз Илья-Премия жюриӧ пырись, тӧдса аслас отсӧтӧн пондӧтчись поэттэзлӧ да гижиссезлӧ.
Олантуй
Юрий Беликов чужис 1958 во одзгожум 15 лунӧ Чусваын служащӧйез семьяын. Сы медодзза кывбуррес петісӧ 1974 воӧ Чусва метталлургическӧй заводлӧн «Металлург» газетаын.
1970-ӧт воэз: Перем университет
1975 воӧ помаліс Чусваись шӧрӧт № 1 школа, пырис велӧтчыны Перем канмуся университетісь филология факультетӧ. Сы коста, 17 вося том зонкаӧн, медодззаись пантасис Москваын поэт Андрей Вознесенскийкӧт (сёронжын пондісӧ ёртасьны). Университетас велӧтчикас вӧлі факультется «Горьковец» стенгазета редакторӧн, публикуйтіс проза да социальнӧй характера поэзия. Авторрезнас вӧлісӧ кыдз университетісь студенттэз, сідз и мӧдіклаись гижиссез.
Аркмӧтіс поэтическӧй, «вокальнӧй» (ВИА принцип сьӧрті) «Времири» нима группа, кытчӧ пырисӧ Юрий Беликов (ударнӧйез), Юрий Асланьян (соло-кывбур), Александр Попов (бас-кывбур) да Алексей Иванов-Ширинкин (ритм-кывбур).
Помаліс университетсӧ 1980 воӧ.
1980-ӧт воэз: «Дети стронция» да «Политбюро»
Уджаліс «Чусовскӧй рабочий» (1980—1981, 1983—1986), «Молодая гвардия» (1981, 1987, 1988—1992) газетаэзын, ВЛКСМ-лӧн Пермскӧй обкомын кыдз культурно-массовӧй удж секторӧн юралісь (1981—1982), ВЛКСМ ЦК «Ленинскӧй комсомол» агитпоездын — РСФСР-лӧн Нечерноземнӧй зонаись художественнӧй коллективтэзкӧт удж сьӧрті методист (1982—1983), «Металлург» газетаын (1987—1988).
1985 воӧ пырис СССР журналисттэз Союзӧ.
1987 воӧ помаліс ВЛКСМ ЦК дынся Вылісь комсомольскӧй школаись журналистика юкӧт.
Перемись «Молодая гвардия» газетаись корреспондентӧн участвуйтіс уфолог Эмиль Бачурин экспедицияын Молёбка аномальнӧй зонаӧ.
Беликовлӧн уджӧн «Молодая гвардия» газетаын вӧлі осьтӧм «Дети стронция» (1989—1992) нима литература содтӧт, кытӧн публикуйтчисӧ кыдз пермскӧй андеграундісь гижиссез (Владислав Дрожащих, Юрий Асланьян, Нина Горланова, Владимир Сарапулов, Юрий Власенко, Марина Крашенинникова), сідз и гижиссез Свердловскись, Барнаулісь да Москваись.
Ӧткоста акмӧтіс «Политбюро» нима поэтическӧй чукӧр. Сэтчӧ пырисӧ ачыс Беликовыс («генсек»), Владислав Дрожащих («идеология да видзму овмӧс кузя министр», Юрий Асланьян («пытшкӧс делоэз кузя министр») да Анатолий Субботин («политбюроӧ членӧ кандидат»).
1989 воӧ, Бийскын (Алтай), кытчӧ «Цветущий посох» нима поэтическӧй искусствоэзлӧн медодзза Союзпасьтся фестиваль вылӧ локтісӧ российскӧй литературнӧй подпольеись авторрез, пермскӧй «Политбюро» членнэз лоисӧ сы лауреаттэзӧн, а Юрий Беликовлӧ вӧлі сетӧм Гран-при да «Россияись поэттэзлӧн Махатма» титул.
1988 да 1990 воэзӧ Юрий Беликовлӧн петісӧ кык медодзза небӧг: «Пульс птицы» («Современник» издательствоын) да «Прости, Леонардо!» (Пермскӧй книжнӧй издательствоын). Одзлань, 17 во сьӧрна, эз вӧв йӧзӧтӧм нем. Беликовыс ачыс эз лэдз, сідз кыдз вӧлі лӧг августовскӧй путч кузя, кӧда коста сія вӧлі Белӧй дом дорйисьӧн[1].
1990-ӧт — одз 2000-ӧт воэз: «Монарх» да «Дикороссы»
1990 воэз пондӧтчикӧ сылісь кывбурресӧ йӧзӧтісӧ «Юность», «Знамя», «Огонёк» журналлэз. 1991 воӧ вӧлі пыртӧм Россия гижиссез союзӧ Андрей Вознесенский, критик Валентин Курбатов да поэттэз Кирилл Ковальджилӧн да Ольга Ермолаева рекомендацияэз сьӧрті. Нія жӧ воэзӧ Беликов кыдз Уралӧт да Сибирьӧт собкор пырӧ «Юность» журнал редколлегияӧ (1992—1995), кытӧн нуӧтӧ «Русская провинция» нима рубрика. Сыбӧрын уджаліс «Комсомольская правда» газеталӧн Пермскӧй областьӧт собкорӧн (1995—1998), «Трибунаын» (1998 восянь), «Труд» газетаын спецкорӧн. «Трибунаын» да «Трудын» сія нуӧтӧ рубрика «Тӧдтӧм поэттэзлӧн приют». Одзлань уджаліс «Звезда» газетаын обозревательӧн[2].
1990 воэз помын лӧсьӧтіс виль — ассис куимӧт — литературнӧй группа «Монарх», кытчӧ, Беликов («Наследник») киння, пырисӧ поэттэз Валерий Абанькин («Окольничий»), Александр Кузьмин («Сокольничий»), Елена Медведева («Боярыня»), Дмитрий Банников («Стольник»), Анатолий Субботин («Спальник») да Василий Томилов («Кравчий»). Группаыс сетліс концерттэз, лэдзис кывбурресӧ «Юность» журналын, «Пермь Третья» альманахын да лэдзис ассис ӧтласа ӧктӧт «Монарх. Семь самозванцев» (Пермь, издательство «ПРИПИТ», 1999) «Юность» журналлӧн редактор Виктор Липатовлӧн одзкылӧн.
Ассис уджсӧ сувтӧтӧмӧн Юрий Беликов йӧзӧтіс мӧдіккезӧс, вӧлі томпӧлӧс Илья-Премия (Илья Тюрин касьтылан литературнӧй премия) жюриӧ пырисьӧн да ӧктіс сія серияись ӧктӧттэз[3]. Нёльдас Норильсксянь Ставропольӧдз авторлӧн уджжес пырисӧ сыӧн лӧсьӧтӧм «Тӧдтӧм поэттэзлӧн приют (Дикороссы)» небӧгӧ[4]. 2002 воӧ сія вӧлі лэдзӧм Москваись «Грааль» издательствоын. Эта проект понда Юрий Беликовыс вӧлі ошкӧм Россиялӧн журналисттэз Союз премияӧн.
2002 воӧ Юрий Беликов вӧлі пыртӧм Русскӧй ПЕН-центрӧ.
2005 во бӧрын: «небӧгтӧмалӧм пом» да «сёвося небӧг»
2005 восянь Юрий Беликов пондӧ гижны проза: гижӧ «Изба-колесница» да «Игрушки взрослого мужчины» висьтӧссэз . Медодззаыс — Пермскӧй край ойвылын вӧрын олісь 90 вося инькакӧт пантасьӧм йылісь да вӧйӧтӧм 1913 воӧ Романоввез династия колокол кошшан экспедиция йылісь (кытӧн Юрий ачыс участвуйтіс). Мӧдыс — Беликов музаэзлӧн ассяма коллекция. «Изба-колесница» вӧлі лэдзӧм «День и ночь» журналын, 2007 вося 1-2 номеррезын. Журналас сідзжӧ, 11-12 номеррезын, вӧлі лэдзӧм мӧдік висьтӧсыс. Висьтӧссэсӧ критикаыс ошкис[5][6].
2005 воӧ Великие Лукиын Беликовыс вілі ошкӧм «Поэтлӧн крест» Велимир орден-пасӧн (донтан пас, сиӧм Велимир Хлебников чужан лунсянь 120 во тырӧмлӧ) «ыджыт роч литературалісь идеаллэз вынсьӧтӧм понда»[7].
Поэтыс шуӧмӧн, эта лоис «сы небӧгтӧмалӧм кадлӧн» помӧн.
2007 воӧ петіс Ю. Беликовлӧн куимӧт книга «Не такой». Небӧгыс вӧлі ошкӧм Павел Бажов нима премияӧн.
2009 восянь Юрий Беликов — «Литературная газета» собкор, одзлань нуӧтіс «Дикороссы» рубрика.
2013 воӧ (поэтыслӧ 55 во тыран кежӧ) петіс нёльӧт кывбура небӧг — «Я скоро из облака выйду», кӧда шусьӧ кывбур сторчка сьӧрті, кӧда йылісь баитӧ Евгений Евтушенко. Сія вӧлі ошкӧм кык донтан пасӧн — Перемын Алексей Решетов нима премияӧн да «Литературная газета» редакцияӧн аркмӧтӧм Антон Дельвиг нима «За верность Слову и Отечеству» национальнӧй премияӧн. Кыкнас небӧгсӧ — «Не такой» да «Я скоро из облака выйду» — ошкисӧ критиккез[8][9].
Сылӧн кывбуррес петісӧ «Самиздат века», «Современная литература народов России», «Лед и пламень», «Молитвы русских поэтов», «Слово о матери», «Жанры и строфа современной русской поэзии», «Гениальные стихи», «45: параллельная реальность», «Антология русского лиризма. XX век» антологияэзын . 2007 воӧ Ю. Беликов пырис «День и ночь» да «Дети Ра» журналлэз редколлегияэзӧ[10].
Юрий Беликовлісь кывбурресӧ да эссеэсӧ йӧзӧтӧны быдкодь журналлэз: «Киевская Русь» (Украина), «Наш современник», «Зарубежные записки» (Германия), «Иерусалимский журнал» (Израиль), Константин Кедровлӧн журнал «Поэтов», «Академия поэзии» Валентин Устиновлӧн да мӧдіккезлӧн.
Участвуйтіс V да VI Мирпасьта конгрессэзын «Русская словесность в мировом культурном контексте» (2014, 2015), а сідзжӧ Санкт-Петербургын IV Мирпасьта культура форумын (2015).
2015 воӧ пыртӧм «День и ночь» журнал сьӧрті сідз шуана «Сто поэтов Русского Безружья» нимлёдзӧ[11].
2022 воӧ кыдз ӧктісь лэдзис антология «Сады и бабочки. Антология помнящих о потерянном Рае», кытчӧ пыртӧмӧсь 300 XIX, XX да XXI сёвоэзся роч поэттэзлӧн кывбуррез[12].
2025 воӧ Юрий Беликовлӧн петіс «Трещина на Голгофе» нима небӧг, кӧдӧ ачыс автор шуӧ аслас «сёво небӧгӧн». Небӧгӧ пырӧны диалоггез Россия медбӧрья кадся культураын да философияын уджаліссезкӧт, ны коласын Виктор Астафьев, Эдуард Лимонов, Павел Лунгин да мд[13].
Олӧ Перемын.
Критика
Беликов гижан удж йылісь гижлісӧ полярнӧй критиккез — Владимир Бондаренко, Евгений Минин, Владимир Яранцев, Вероника Шелленберг, Александр Карпенко[14] да уна мӧдік. Генрих Сапгир шувліс Юрий Беликовсӧ «кокнитик бабылӧн» да «веськыт поэтӧн», Ольга Ермолаева — «сӧстӧм, вына да мича провинциялӧн шыӧн» [15].
Евгений Евтушенко шуӧмӧн, Юрий Беликов мыччасьӧ кыдз быдмӧм фольклор вылын «почвенник» да ӧткоста — авангардист[16].
Донтан пассэз
- Аркадий Гайдар нима Пермскӧй областись журналисттэзлӧн конкурсын лауреат;
- «Цветущий посох» нима 1-а Союзпасьтся поэтическӧй искусствоэзлӧн фестивальлӧн Гран-при да «Россияись поэттэзлӧн Махатма» ним (Бийск, 1989);
- Борис Полевой нима «Юность» журналлӧн премиялӧн лауреат (1991).
- Россиялӧн журналисттэз союзлӧн премия (2001);
- «Поэтлӧн крест» нима Велимирлӧн орден-пас (2005);
- «Чусовская подкова» приз (2005);
- Павел Бажов нима премия (2007);
- Алексей Решетов нима премия (2013);
- Фёдор Достоевский нима 1 тшупӧта орден (2013);
- Антон Дельвиг нима Россияпасьтся национальнӧй премия (2013).
Пасйӧттэз
- ↑ Беликов Ю. Время мотыльков // Звезда. 16 октября 2015. С. 1.
- ↑ Редакция газеты «Звезда» Архивная копия от 6 Арпом 2015 на Wayback Machine.
- ↑ Поэт Юрий Беликов о дикороссах одной шестой планеты Архивная копия от 16 Арпом 2015 на Wayback Machine // Livejournal. Вл. Монахов, Братск-рай.
- ↑ Кудимова М., Беликов Ю. Дикороссы Архивная копия от 26 Тулысшӧр 2015 на Wayback Machine // Континент. 2003. № 115.
- ↑ Антонов А. Юрий Беликов. «Изба-Колесница», повесть Архивная копия от 22 Арпом 2015 на Wayback Machine // Дети Ра. № 7-8 (33-34). 2007.
- ↑ Антонов А. Юрий Беликов, «Игрушки взрослого мужчины» Архивная копия от 22 Арпом 2015 на Wayback Machine // Опубликовано в журнале: «Дети Ра» 2008, № 7(45).
- ↑ Юрий Беликов получил «Крест поэта» Архивная копия от 16 Арпом 2015 на Wayback Machine // Новый компаньон. 20 декабря 2005 г.
- ↑ Горюнова И. О книге Юрия Беликова «Не такой» Архивная копия от 22 Арпом 2015 на Wayback Machine // Сайт Ирины Горюновой.
- ↑ Годованец Ю. Восемь небес Юрия Беликова Архивная копия от 22 Арпом 2015 на Wayback Machine // Зинзивер. № 10(54), 2013. Литературно-художественный журнал Союза писателей XXI века и Союза писателей Санкт-Петербурга.
- ↑ Редколлегия журнала «Дети РА» Литературные известия Видзӧтан кад 2025-06-26
- ↑ Журнал «День и ночь» представил список ста поэтов Русского Безрубежья" Архивная копия от 27 Тӧвшӧр 2016 на Wayback Machine // ОРЛИТА. Объединение Русских ЛИТераторов Америки.
- ↑ Владимир Блинов Эдем как наваждение рус.. Литературная газета (13.04.2023).
- ↑ Сергей Чилейшин Смола для сколов и трещин рус.. Литературная газета (18.06.2025).
- ↑ Карпенко А. Рецензия на сборник стихотворений Юрия Беликова «Я скоро из облака выйду» Архивная копия от 17 Арпом 2015 на Wayback Machine // Литературные известия. № 06 (110). 2014.
- ↑ Чилейшин С. «Юрий Беликов: поэт всегда за границей» Архивная копия от 16 Арпом 2015 на Wayback Machine // 45-я параллель. № 9 (9) от 19 августа 2006 г.
- ↑ Евтушенко Е. Часовой поэзии из городка Чусовой Архивная копия от 7 Арпом 2015 на Wayback Machine // Новые известия. 12 мая 2012 г.
Ыстӧттэз
Публикацияэз
- Беликов Ю. «Дорога, которая остановилась» // Читальный зал.
- Беликов Ю.: «Осколок законченной речи» О Владимире Пламеневском.
- Беликов Ю. «Политбюро» (Пермь) // Русская виртуальная библиотека. 23 ноября 2008 г.
- Беликов Ю. «Постояльцы дикого неба».
- Биография Юрия Александровича Беликова // ПГНИУ.
- Годованец Ю. Восемь небес Юрия Беликова // Зинзивер. № 10(54), 2013. Литературно-художественный журнал Союза писателей XXI века и Союза писателей Санкт-Петербурга.
- Монахов В. Поэт Юрий Беликов о дикороссах одной шестой планеты // Livejournal. Вл. Монахов, Братск-рай.
- Сохраним воспоминания вместе // Пермский университет. № 15 (1862) 19 ноября 2015. С. 4.
- Чилейшин С. «Юрий Беликов: поэт всегда за границей» // 45-я параллель. № 9 (9) от 19 августа 2006 г.
- Юрий Александрович Беликов // Буквица. Журнал поэзии.
- Юрий Беликов. Биография // Союз писателей XXI века.
- Юрий Беликов // Журнальный зал.
- Юрий Беликов // Литературно-музыкальная студия Александра Васина-Макарова.
- Юрий Беликов // Новая литературная карта России.
- Юрий Беликов. Ранний выплеск лавы // Дон. № 10-12, 2015. Опубликовано: «Читальный зал» — национальный проект сбережения русской литературы.
Видео
- Беседа с Юрием Беликовым // Программа «Библиотека Евгения Степанова» телекомпании «Диалог».
- Однокурсники // Документальный фильм студии «Универ-ТВ», 2015.