Бакейкин Сергей Дмитриевич

Бакейкин Сергей Дмитриевич
Бакейкин Сергей Дмитриевич
Чужан лун	1966 во гожумпом 5 лун
Чужанін	Ульяновск область, РСФСР, СССР
Кулан лун	2025 во одзгожум 29 лун (58 лет)
Куланін	Москва, Российскӧй Федерация;
Канму	СССР → Российскӧй Федерация
Велӧтчанін	Московскӧй государственнӧй культура институт[d];
Учёнӧй тшупӧт	педагогика кандидат
Донтан пассэз да премияэз	Российскӧй Федерация культура министерствосянь Почётнӧй грамота; Связь да массовӧй коммуникацияэз министерствосянь Почётнӧй грамота; Кыргызстан Республика культураын Заслуженнӧй уджалісь

Бакейкин Сергей Дмитриевич (1966 во гожумпом 5 лун, Ульяновская область^[d] — 2025 во одзгожум 29 лун, Москва) — российскӧй государственнӧй да общественнӧй деятель, педагогика кандидат, «Регионнэз костся библиотечнӧй ӧтуджалан центр» регионнэз костся общественнӧй организациялӧн генеральнӧй директор, «Быдӧнныс понда информация» ЮНЕСКО программаись российскӧй комитет председатель, ЮНЕСКО делоэз сьӧрті РФ комиссияӧ пырись, 2022—2032 воэзӧ Российскӧй Федерацияын Мирпасьта чужанму отир кыввез дасво лӧсьӧтӧм да чулӧтӧм сьӧрті Национальнӧй оргкомитетӧ пырись.

Олантуй

Чужис 1966 во гожумпом 5 лунӧ Ульяновск областьын.

1985—1987 воэзӧ кысъяліс Кремль полкын.

1987—1993 воэзӧ уджаліс армияын.

1993—2003 воэзӧ — «Либерея» небӧглэдзанін генеральнӧй директорлӧн вежлісь, «Либерея-Бибинформ» (журнал «Библиотека») небӧгалэдзанін директор.

1997—2001 воэзӧ — велӧтчис Москваись культура канму университетын, помаліс сійӧ гӧрд дипломӧн.

2001—2005 воэзӧ велӧтчис Москваись культура канму университет дынся аспирантаураын, дорйис педагогика кандидат диссертация^[1].

2003 восянь ӧнӧдз — «Регионнэз костся библиотечнӧй ӧтуджалӧмся центр» (рочӧн «Межрегиональный центр библиотечного сотрудничества») регионнэз костся общественнӧй организациялӧн генеральнӧй директор.

2021 восянь ӧнӧдз — «Информация быдӧнныс понда» ЮНЕСКО программа сьӧрті российскӧй комитетлӧн председатель, ЮНЕСКО делоэз сьӧрті РФ комиссияӧ пырись, 2022—2032 воэзӧ Российскӧй Федерацияын Мирпасьта чужанму отир кыввез дасво лӧсьӧтӧм да чулӧтӧм сьӧрті Национальнӧй оргкомитетӧ пырись^[2]^[3].

Одзза воэзӧ участвуйтіс 100-ся унажык мероприяттё лӧсьӧтӧмын. Ны коласын мирпасьта, россияпасьта, регионнэзкостся, регионся конференцияэз, семинаррез, гӧгрӧс пызаннэз, квалификация бурсьӧтан курссез да тренинггез библиотекаэзын, небӧглэдзаніннэзын, небӧгвузясяніннэзын, СМИ-ын, юралан органнэзын уджаліссез понда лыддьӧтӧм, информационнӧй общество зорӧтӧм, библиотека фонддэз комплектуйтӧм, кыввез видзӧм да роч кыв СНГ да визир сайӧ паськӧтӧм проблемаэз сьӧрті.

Быдӧс чулӧтӧм мероприяттёэз вӧлісӧ бура донъялӧмӧсь Российскӧй Федерация культура министерствоӧн, визирсайся делоэз сьӧрті министерствоӧн, регионнэз юраліссезӧн, ЮНЕСКО-ӧн, Казахстан да Азербайджан культура министррезӧн.

Сергей Бакейкиныс сідзжӧ лоӧ организаторӧн быдберся мероприяттёзын, кӧдна чулӧтсьӧны «Быдӧнныс понда информация» ЮНЕСКО программаӧт, Библиотечнӧй фонддэз видзӧм сьӧрті национальнӧй программаӧт, Лыдддьӧтӧм видзӧм да зорӧтӧм национальнӧй программаӧт, Челядьӧн лыддьӧтӧмлӧ отсӧт сьӧрті канмуся программаӧт, Канмуся национальнӧй политика реализация канмуся программаӧт, «Менам чужан кыв» программаӧт.

Участвуйтіс эна проблемаэз сьӧрті 60-ся унажык роч на английскӧй кыввеза небӧг лӧсьӧтӧмын.

2016—2019 воэзӧ вӧлі Российскӧй библиотечнӧй ассоциациялӧн вице-президентӧн.

Куліс 2025 во одзгожум 29 лунӧ Москваын.

Донтан пассэз

2010 воӧ ошкӧм Российскӧй Федерация культура министерствосянь Почётнӧй грамотаӧн.
2016 воӧ ошкӧм Связь да массовӧй коммуникацияэз министерствосянь Почётнӧй грамотаӧн.
2021 воӧ вӧлі ошкӧм Кыргызстан Республика культураын Заслуженнӧй уджалісь званнёӧн.

Семья

Гӧтыра, эмӧсь зон да ныв.

Пасйӧттэз

Ыстӧттэз

[1] Научная электронная библиотека диссертаций и авторефератов

[2] ЮНЕСКО

[3] Национальная библиотека Республики Ингушетия

[1]

[2]

[3]