Бадьӧг

Айпӧв бадьӧг

Бадьӧг (лат. Lagopus) — курӧгчужӧмаэз артісь таркодьӧммез субфамилияись кай увтыр.

Аскоддьӧм

Мӧдік таркодьӧммезсянь бадьӧг неӧткодь то мыйӧн: кокбӧррес да кокчуннес сылӧн вевттьӧмӧсь сук си кодь тыввезӧн, кӧдна дорйӧны коккесӧ кӧдзыт увья.

Этася гыжжез бадьӧгыслӧн кузьжыкӧсь да быд во вежсьӧны линяйтӧм одзын.

Олан да сёян нёж

Олӧны бадьӧггез пыр ӧтілаын. Озӧ полӧ кӧдзытісь. Сёйӧны туруна сёянсӧ, кӧть кайпияннэз вермӧны кокавны и геббезӧс.

Йылӧм

Быдӧс виддэзлӧн (чочком бадьӧгысся) дзир иньпӧлӧс кольттялӧ да быдтӧ пияннэзӧс.

Классификация

Одзжык лыддисӧ этія увтырын квать вид. Ӧні торйӧтӧны дзир куимӧ, кӧдна и мыгӧрнас и оланнас неӧткодьӧсь:

• Чочком бадьӧг (Lagopus lagopus (Linnaeus, 1758))
• Чочкомбӧжа бадьӧг (Lagopus leucurus (Richardson, 1831))
• Тундра бадьӧг (Lagopus mutus (Montin, 1781))

Олан муэз

Бадьӧг увтырись кайез олӧны кӧдзыт ладорын. Чочком бадьӧг олӧ Ойвыв Евразияын. Чочком бӧжа бадьӧг йылӧ Ойвыв Америка керӧссэзын, а тундра бадьӧг олӧ Арктикаын и керӧсаиннэзын кыдз Евразияын, сідз и Ойвыв Америкаын.

Миян Коми муын олӧны чочкӧм бадьӧг да тундра бадьӧг.