Бабин Вячеслав Леонидович
| Бабин Вячеслав Леонидович | |
|---|---|
 | |
| Чужан лун | 1960 во гожумпом 21 лун |
| Чужанін | |
| Кулан лун | 2022 во одзгожум 22 лун (61 год) |
| Куланін | |
| Канму | |
| Удж | гижись, журналист |
| Гижан кыв | коми |
Бабин Вячеслав Леонидович (1960 во гожумпом 21 лун, Немдін, Коми Республика — 2022 во одзгожум 22 лун, Кулӧмдін, Коми Республика) — коми гижись, журналист.
Олантуй
Вячеслав Бабин чужис 1960 во гожумпом 21 лунӧ Кулӧмдін районісь Немдін сиктын. 1978 воӧ помалӧм Немдінса шӧрӧт школа, уджалӧм гортся посадас механизаторӧн. Сэсся кочегаритӧм да ӧткоста директоралӧм клубӧн. 1979 восянь уджаліс «Ленин туйӧд» газетаын[1].
1987—1988 воэзӧ уджаліс чери видзан службаын, сэсся — вились районся газетаын, лӧсьӧтлӧм радиопередачаэз[1].
1988—1993 воэзӧ велӧтчис А. М. Горький нима литературнӧй институтын, дорйис «Вуджӧр» кипонъя гижӧм небӧг сьӧрті диплом[1].
1994 восянь — «Парма гор» газетаын ответсек, юралӧм «Эжва» литклубӧн[1].
Куліс 2022 во одзгожум 22 лунӧ. Дзебӧм Немдін шойнаын[1].
Гижан удж
Кывбуррес да висьттэс вӧлісӧ йӧзӧтӧмӧсь «Ленин туйӧд» газетаын. «Войвыв кодзув» журналын медодзза кывбуррес петісӧ 1979 воӧ. 1994 воӧ ветліс том авторрезлӧн медодзза Россияпасьтся совещаннё вылӧ. Сэксянь жӧ вӧлі пыртӧм Россияса гижись котырӧ.
Лэдзӧмӧсь нёль небӧг: «Сьӧлӧмшӧр» (1989), «Ӧктӧ Коля коляоз» (1993), «Вуджӧр» (1995), «Вӧрса качай» (2003), «Вына зэр» (2021), «Помся шуд аслам Войвывлы вӧзъя!»(2021)[2].
2021 воӧ Вячеслав Бабинлӧн «Помся шуд аслам Войвывлы вӧзъя!» небӧг, кӧдаӧ пыртӧмӧсь челядь понда кык небӧгись — «Ӧшиньын бобув» да «Мыджӧд» — вӧлі шуӧм Коми Республикаын медбур небӧгӧн «Небӧг-билингва» номинацияын.
Россия журналист котырӧ пырись (1994 восянь).
Небӧггес
- Бабин В. Л. Сьӧлӧмшӧр: кывбуръяс [«Ордым» ӧктӧдысь]. — Сыктывкар: Коми кн. изд-во, 1989. — 32 л.б.
- Бабин В. Л. ӧктӧ Коля Коляоз: кывбуръяс. — Сыктывкар: Коми кн. изд-во, 1993. — 16 л.б.
- Бабин В. Л. Вуджӧр: Кывбуръяс / Ред. А. В. Тентюков; Серпасаліс В. А. Моторин. — Сыктывкар: Коми кн. изд-во, 1995. — 48 л.б.
- Бабин В. Л. Вӧрса качай: кывбуръяс. — Сыктывкар: Коми небӧг лэдзанін, 2003. — 64 л.б.
- Бабин В. Л. Коми попугайяс. — Сыктывкар: Титул, 2018. — 15 л.б.
- Бабин В. Л. Вына зэр: Кывбуръяс / Ред. А. В. Попов; Серпасаліс А. А. Попова. — Сыктывкар: «Эском» изд-во, 2021. — 64 л.б.
- Бабин В. Л. Помся шуд аслам Войвывлы вӧзъя! 2021.
Донтан пассэз
- «Книга-билингва» номинацияын вося медбур небӧг понда Альберт Ванеев нима муниципальнӧй литературнӧй премиялӧн лауреат[3].
Пасйӧттэз
- ↑ 1 2 3 4 5 Бабин Вячеслав Леонидович рус.. НБРК. Видзӧтӧм 14 Аршӧр 2025.
- ↑ Горинова Н. Вячеслав Леонидович Бабин // Писатели Коми: биобиблиогр. слов. Т. 1. — Сыктывкар, 2017. — С. 58—61.
- ↑ В Удорском районе начался праздник «Коми книга». Правительство Республики Коми. Видзӧтӧм 14 Аршӧр 2025.
Литература
- Коми гижысь котыр сайтын В. Л. Бабин йылысь Лодыгин В. Кӧть мӧдысь на лыддян // Коми му, 1994, 2 апр.
- Бараненко Е. «Гажтӧм овны черань везъя олӧмӧн…» // Коми му, 1998, 4 авг.
- Вячеслав Леонидович Бабин : биобиблиографический указатель / МБУК «Усть-Куломская межпоселенческая библиотека»; составители: Л. И. Уляшева, Н. А. Чаланова; редактор Л. Е. Липина. — Сыктывкар : Коми республиканская типография, 2021. — 259 с.