Артамонов Ефим Михеевич

Босьтöм Рувикиись

Экспертиза РАН

Logo-ran.pngLogo-ran-black.png
Чулӧтӧм экспертиза
Россиялӧн наукаэз академияӧн
Унажык
Aprove.svg

РНА-лӧн экспертиза

Arrow-Right.png
Logo-ran.png
Чулӧтӧм экспертиза
Россиялӧн наукаэз академияӧн
Унажык
Артамонов Ефим Михеевич
Чужан лун 1776 во
Чужанін
Кулан лун 1841 во
Куланін
Канму
Наука юкӧн изобретатель
Уджаланін
Тӧдса кыдз велосипед керись
Донтан пассэз да премияэз 25 руб да вольнӧй Александр I-сянь

Артамонов Ефим Михеевич (1776 во, Пожва, Соликамскӧй уезд[d], Пермскӧй губерния[d], Российскӧй империя[d] — 1841 во, Суксун[d], Красноуфимский уезд[d], Пермскӧй губерния[d], Российскӧй империя[d]) — экономист Василий Белов (1896 во) да географ, гортладор история туляісь Иван Кривощёков сьӧрті (1910 во, Беловлӧн публикация вылӧ ыстісьӧмӧн) Россияын медодзза велосипед-самокат керись. Советскӧй кад дырни Артамоновыслӧн биографияыс вӧлі гижӧм содтӧмӧн.

Олантуй

Ефим Артамонов чужис 1776 воӧ крепостнӧй семьяын, айыс — Михей Артамонов — уджаліс Пожва заводын, вӧлі кипода морт пыжжез керӧмын. 1773 воӧ Пожва заводыс вуджис Строгановвезсянь да Всеволожскийез дынӧ[1][2].

1790 воӧ Михей Артамоновыс вӧлі ыстӧм уджавны Староуткинскӧ, меж уджавны сы дынся Чусва ӧзынын, керны баркаэз кылӧтӧм понда. Ефимыс вӧлі ыстӧм Демидоввезлӧн Нижнетагильскӧй заводӧ ваявны металл кӧртӧттэз. Ефимыслӧ ковсьывліс уна ветлыны ӧтмӧдӧрӧ Нижньӧй Тагилсянь Староуткинскӧдз, туйыслӧн кызяыс вӧлі кыкьямысдас верста[3].

Ӧтік версия сьӧрті 1800 воӧ Ефим Михеевичыс керӧм медодзза велосипед-самокат, кӧда вӧлӧм кык кӧртовӧй гӧгляна да пуовӧй пуксяна, сы вылын коліс мунны котӧрӧн. 1801 воӧ, царь Павел I кулан воӧ, вӧлі чулӧтӧм Александр I-лӧн коронация, сы вылӧ Ефим Михеевичыс вӧлі ыстӧм мыччавны аскерӧм велосипедсӧ. Императорыслӧ керӧмторыс гленитчӧма, да сія козьналӧма Ефим Артамоновыслӧ 25 руб зарниӧн да «вольнӧй»[4][5].

1802 воӧ гожумӧн Нижньӧй Тагилын мастеррез керӧмась Артамоновыс керӧмся кокнитжык да мичажык «самокаттэз». Но кӧзяиннэс пуктісӧ мастерресӧ «кӧзяйскӧй кӧрт» гусясіссезӧн, мый кузя вартлісӧ нійӧ, кинлӧн вӧлісӧ самокаттэс, батоггезӧн, «хӧзяйскӧй кӧртыс» вӧлі мырддьӧм да сылӧтӧм. Ефим Михеевичыс вӧлі ыстӧм ссылкаӧ. 1815 воӧ Ефим Михеевичыс бертіс Пожва заводӧ да мукӧд юӧр сьӧрті уджаліс 1830 воӧ парӧн асгӧняйтана коляска лӧсьӧтӧмын, да 1840 воӧ Суксун заводын уджаліс кӧрт пароход керӧмын[3].

Ефим Михеевичыс куліс 1841 воӧ Суксунын[1].

Критика

1947 воӧ Виктор Данилевский аслас «Русская техника» небӧглӧн медодзза лэдзӧмын эз видз велосипед йылісь юӧрсӧ быль фактӧн[6][7]:

Нижньӧй Тагил музеяс видзӧны кӧртісь керӧм велосипед, кӧдӧ шуӧны керӧмӧн Артамоновӧн, но сія тыдалӧ керӧм сёрӧнжык.

Политехническӧй музейись научнӧй сотрудниккез (Москва) Вилинова да Майстров XX сёво помын туялісӧ да локтісӧ кывкӧртӧт дынӧ: «Ӧння кадӧ абу адззӧм нельки ӧтік документ, кӧда бы мыччаліс, мый Уралын оліс крепостнӧй изобретатель Артамонов. Оз позь лыддьыны мыччӧтӧн В. Д. Беловлісь да И. Я. Кривощёковлісь юӧррез, кӧдна вӧлісӧ лэдзӧмӧсь 100 во бӧрті вӧлӧмторрез бӧрсянь. Абу адззӧм ӧтік научнӧй мыччӧт, мый эта областьын изобретательство дынӧ вӧлісӧ йитӧмӧсь Артамон Кузнецов да Ефим Артамонов, кӧдалӧн олӧмыс абу тӧдса»[8].

Ны киння Москваись туялісь, техника кандидат Григорий Николаевич Лист тӧдмаліс, мый велосипед аркмӧтӧмыс 1800 воӧ чайтана, кыдз и Ефим Михеевич Артамоновлӧн вӧлӧмыс. Артамоновӧн велосипед керӧм йылісь история йылісь медодзза тӧдса публикация петіс вӧлӧмторыс бӧрсянь сё во бӧрті. Одзза воэзся документтэзісь, кытчӧ пырӧны Павел I да Александр I коронацияэз йылісь материаллэз, крепостнӧй изобретателлез йылісь материаллэзлісь «Отечественные записки» журналӧ ӧктӧмторын, придворнӧйез да периодикаись гижӧттэзісь, велосипедыс нето самокатыс йылісь гижӧмыс, а сідзжӧ Артамоновыс йылісь эз адззись[9].

Тимофей Скоренко «Изобретено в России» нима небӧгын ӧтувтӧ информациясӧ да тодилялӧ, мый Артамоновыс велосипед йылісь историяыс — миф, кӧда вӧлі медодззаись лэдзӧм 1896 воӧ В. Д. Белов «Исторический очерк уральских горных заводов» нима небӧгын[10].

Ӧнӧдз абу адззӧм некытшӧм историческӧй документ, кӧда бы тодляліс керӧмсӧ, керан кадсӧ да мастерлісь нимсӧ. «Артамонов велосипедлӧн» металл анализ, кӧда вӧлі босьтӧм экспертиза вылӧ 1980-ӧт воэзӧ, мыччаліс, мый экспонатыс керӧм 1870-ӧт воэзӧ[11].

История туялӧмын велосипед керӧм да Е. М. Артамонов лыддиссьӧны мифӧн 1980-ӧт воэз помсянь. 2016 во кеж «Артамоновлӧн велосипед» экспонат вӧлі сайӧвтӧм Нижнетагильскӧй музейлӧн пырся экспозициись[12], но кольӧм Черепановвезлӧн керку-музей экспозицияӧ.

Пасйӧттэз

  1. ↑ 1 2 Артамонов Ефим Михеевич. Энциклопедия Пермского края. Видзӧтӧм 14 Тӧвшӧр 2026.
  2. ↑ Артамонов, Ефим Михеевич // Ангола — Барзас. — М. : Советская энциклопедия, 1970. — (Большая советская энциклопедия#Третье издание / гл. ред. А. М. Прохоров ; 1969—1978, т. 2).
  3. ↑ 1 2 Артамонов Ефим Михеевич. Электронная энциклопедия "Ильинский: время, события, люди". Видзӧтӧм 14 Тӧвшӧр 2026.
  4. ↑ Ксения Дубичева Почему Урал не стал родиной первого российского велосипеда. Российская газета (2015-11-30). Видзӧтӧм 14 Тӧвшӧр 2026.
  5. ↑ Усольцева С. Л. Генезис физической культуры и спорта на Урале до 1917 года // Ученые записки университета им. П. Ф. Лесгафта. — 2016. — № 11 (141).
  6. ↑ Данилевский, 1947, с. 485.
  7. ↑ Наука и жизнь, №6, 1983, с. 62.
  8. ↑ ВИЕТ, 1983, с. 90—96.
  9. ↑ Ганьжа, 2005.
  10. ↑ Скоренко, 2017, с. 477.
  11. ↑ Ставцев, 2014, с. 303.
  12. ↑ Скоренко, 2017.

Литература

  • Белов В. Д. Исторический очерк уральских горных заводов. — СПб.: Тип. Исидора Гольдберга, 1896. — С. 62. — 179 с.
  • Данилевский В. В. Русская техника. — Л.: Ленинградское газетно-журнальное и книжное издательство, 1947. — С. 191,485. — 516 с.
  • Боташева Е. Велосипеду 160 лет // Уральский следопыт : журнал. — 1960. — № 3.
  • Шарц А. К. Первый в мире велосипед // Тагильский рабочий : газета. — Нижний Тагил, 1960. — 30 апреля.
  • Майстров Л. Е., Вилинова Н. А., Виргинский В. С. О велосипеде Артамонова // Вопросы истории естествознания и техники : журнал. — 1983. — № 1. — С. 90—96.
  • Реферат: Легенда о велосипеде // Наука и жизнь : журнал. — М., 1983. — № 6. — С. 62.
  • Комшилова (Смирнова) Татьяна, Клат Светлана. Велосипед Артамонова: легенды и документы // Тагильский рабочий : газета. — Нижний Тагил, 1987. — 14, 18 марта.
  • Виргинский В., Лист Г. Н., Клат С. А., Комшилова Т. В. Как творятся мифы в истории техники // Вопросы истории естествознания и техники : журнал. — 1989. — № 1. — С. 150—151.
  • Ганьжа Сергей. История одной мистификации // Тагильский рабочий : газета. — Нижний Тагил, 2005. — 6, 27 июля.
  • Скоренко Т. Изобретено в России. История русской изобретательской мысли от Петра I до Николая II.. — М.: Альпина нон-фикшн, 2017. — С. 475—484. — 533 с. — ISBN 978-5-91671-786-0.
  • Ставцев Е. М. Историко-технический музей «Дом Черепановых»: история создания, экспозиция, роль в культурной жизни Нижнего Тагила // Урал индустриальный. Бакунинские чтения: Индустриальная модернизация Урала в XVIII—XXI вв. : сборник. — Екатеринбург, 2014. — Т. 1. — С. 301—306. — ISBN 978-5-8295-0297-3.
  • Кривощёков И. Я. Словарь Верхотурского уезда Пермской губернии. — Пермь: Электро-Типография Губернского земства, 1910. — С. 140. — 822 с.

Ыстӧттэз

Босьтӧма "https://koi.ruwiki.ru/w/index.php?title=Артамонов_Ефим_Михеевич&oldid=216304"-ись