Айбабина Евгения Авенировна
| Айбабина Евгения Авенировна | |
|---|---|
 | |
| Чужан лун | 1952 во одзтулыс 9 лун (74 года) |
| Чужанін | |
| Канму | |
| Велӧтчанін | |
| Учёнӧй тшупӧт | филология кандидат[d] (1988 во) |
Айбабина Евгения Авенировна (1952 во одзтулыс 9 лун, Сыктывкар, Коми АССР[d]) — коми кыв туялісь, филология сьӧрті кандидат, коми (зыряна) кыв кывкуддэз лӧсьӧтісь.
Олантуй
Чужис 1952 во одзтулыс 9 лунӧ Сыктывкарын. Сыктывкарись шӧрӧт № 4 школа помалӧм бӧрын пырис велӧтчыны Ленинград канмуся университетісь филология факультетӧ, специализируйтчис венгерскӧй кыв да литература сьӧрті. 1972—1973 воэзӧ велӧтчис Лоранд Этвеш нима университетын (Будапешт, Венгрия)[1].
Университетсӧ помалӧм бӧрын, 1974—1978 воэзӧ, уджаліс Сыктывкар канмуся университетын коми кыв да литература да сыбӧрын роч кыв да литература кафедраэз вылын старшӧй лаборантӧн, ӧткоста велӧтіс венгерскӧй кылӧ.
1978 воӧ вуджис уджавны Коми туялан центрлӧн Кыв, литература да история институтісь социологическӧй секторӧ.
1980 восянь велӧтчис СССР АН Коми филиаллӧн очнӧй аспирантураын, 1982 воӧ вӧлі вуджӧтӧм велӧтчыны СССР НА-лӧн кывтӧдӧм институтлӧн аспирантураӧ. 1988 воӧ дорйис филология кандидат диссертация (темаыс рочӧн «Интерференция на лексическом уровне в условиях национально-русского двуязычия на материале коми и русского языков»).
1984 восянь уджалӧ Коми туялан центрлӧн Кыв, литература да история институтісь кыв туялана секторын, быдмис младшӧй научнӧй сотрудниксянь ведущӧй научнӧй сотрудникӧдз[2].
Туялан удж
Евгения Айбабина туялана интерессэзӧ пырӧны коми кывлӧн лексикология, лексикография, коми да роч кыввезлӧн йитчан проблемаэз. Гижис 90-ся унажык туялан удж. Лӧсьӧтіс кыдз автор да авторскӧй группаын 9 кывкуд, ны лыдын — «Словарь омонимов коми языка» (1993), «Коми эпитетъяслöн кывчукöр» (1994), «Школьный этимологический словарь коми языка» (1996), «Коми-роч кывчукöр» (2000), «Коми синоним кывчукöр» (2002, 2007), «Русско-коми словарь, Коми-роч кывчукöр» (2009, 2011, 2013, 2015, 2016), «Коми сёрнисикасъясын рöдвуж нимъяслöн кывчукöр» (2011), «Словарь диалектов коми языка: в 2-х томах» (2012, 2014).
Мукӧд публикацияэз
- Айбабина Е. А., Безносикова Л. М. Некоторые особенности функционирования коми языка в условиях массового коми-русского двуязычия // Финно-угорский мир. — 2011. — № 1.
- Шабаев Ю. П., Айбабина Е. А., Денисенко В. Н. Проблемы языковой политики в регионах проживания финно-угров РФ // Вестник Северного (Арктического) федерального университета. Серия: Гуманитарные и социальные науки. — 2013. — № 4.
- Федюнева Г. В., Айбабина Е. А. О происхождении некоторых названий снега в коми языке // Ежегодник финно-угорских исследований. — 2016. — № 4.
- Айбабина Е. А. Некоторые особенности номинации болезней в диалектах коми языка // Ежегодник финно-угорских исследований. — 2021. — № 1.
- Айбабина Е. А., Некрасова О. И. Наименования духов бани в диалектах коми языка // Вестник угроведения. — 2023. — № 1.
- Айбабина Е. А. Наименования лешего в диалектах коми языка // Ежегодник финно-угорских исследований. — 2023. — № 2.
Донтан пассэз
- Сыктывкар карся администрациясянь Почётнӧй грамота (1994);
- Россиялӧн наукаэз академиясянь Почётнӧй грамота (1999);
- РНА-лӧн Урал юкӧтсянь Почётнӧй грамота (1999);
- Коми Республикалӧн канмуся премия лауреат наука областьын (2001)[3];
- Коми Республикалӧн национальнӧй политика сьӧрті министерствосянь Почётнӧй грамотаэз (2002, 2010);
- Коми Республика правительство премиялӧн лауреат туялӧм областьын (2015).
Пасйӧттэз
- ↑ Евгения Авенировна Айбабина. ФИЦ Коми НЦ УрО РАН. Видзӧтӧм 14 Аршӧр 2025.
- ↑ Айбабина Евгения Авенировна. Институт языка, литературы и истории Федерального исследовательского центра Коми научного центра Уральского отделения Российской академии наук. Видзӧтӧм 14 Аршӧр 2025.
- ↑ О присуждении государственный премий Республики Коми 2001 года. Официальный интернет-портал правовой информации. Видзӧтӧм 14 Аршӧр 2024.