Ёдз коми кыв
Ёдз коми кыв (рочӧн коми-язьвинский язык, ёдз комиӧн ёдч коми көл) — Ёдзва ю дорын олісь комиэзлӧн кыв, нія компактнӧя олӧны Пермскӧй крайлӧн Красновишерскӧй районын. 2010 вося Россияпасьтся отирлыддьӧм сьӧрті баитіссес вӧлісӧ 436 морт. Ёдз коми идиомлӧн статус сьӧрті абу консенсус: мукӧд туяліссез лыддьӧны сійӧ ассяма кылӧн, мӧдіккес лыддьӧны коми-пермяцкӧй кыв диалектӧн[1].
Генеалогия
Ёдз коми кыв пырӧ уральскӧй кыввез увтырись финн-йӧгра вожлӧн перем кыввез группаӧ. Медматын сы дынӧ коми да коми-пермяцкӧй кыввез, да сідзжӧ удмурт кыв.
Кыв туяліссез да историккез коласын одззамоз абу ӧтік видзӧтӧм коми-язьвинскӧй идиом статус йылісь. Ӧтіккез чайтӧны, мый эта идиомлӧн эмӧсь ассяматоррез, кӧдна тӧдчӧмӧн торйӧтӧны сійӧ коми-пермяцкӧй да коми кыввезісь, мыйсянь сійӧ позьӧ лыддьыны торья кывйӧн. Мӧдіккез шуӧны сійӧ коми-пермяцкӧй кывлӧн диалектӧн нето коми кывья континуум пытшкын ассяма сёрниӧн.
Паськалӧм да функционируйтӧм
Ёдзва комиэз компактнӧя олӧны Пермскӧй крайлӧн Красновишерскӧй районын, Ёдзва ю бассейнісь Антипина да Паршакова деревняэзын[2].
Кыв туялісь Р. Бартенс сьӧрті, 2000-ӧт воэз пондӧтчикӧ ёдз коминас кужисӧ баитны вит дас мымда пӧрись морт. Пассивнӧй билингввезлӧн лыдыс эта территория вылын и коми-язьвинскӧйезлӧн, кӧдна олӧны Пермскӧй крайлӧн ыджыт оланіннэзын да сы сайын, ыджытжык.
Ёдз коми кывлӧн абу не юридическӧй статус, не гижан норма. Кывсӧ кыдз факультатив велӧтӧны Верх-Язьва да Паршакова школаэзын[3].
Гижӧм
Гижӧм нормаыс ёдз коми кыв понда вӧлі лӧсьӧтӧм 2003 воӧ. Медодзза велӧтчан небӧгсӧ лӧсьӧтіс Паршакова школаись велӧтісь Анна Паршакова. Сія букварьыс лоис медодзза ёдз коми кывья небӧгӧн.
Ёдз коми кыв понда вӧлі лӧсьӧм ассяма анбур. Сыын эмӧсь тодиль пассэз, кӧдна абу мӧдік коми гижан кыввезас — Ӧ ӧ, Ө ө, Ӱ ӱ да диграффез ДЖ дж да Дч дч.
| А а | Б б | В в | Г г | Д д | дж | дч | Е е |
| Ё ё | Ж ж | З з | И и | Й й | К к | Л л | М м |
| Н н | О о | Ө ө | Ӧ ӧ | П п | Р р | С с | Т т |
| У у | Ӱ ӱ | Ф ф | Х х | Ц ц | Ч ч | Ш ш | Щ щ |
| Ъ ъ | Ы ы | Ь ь | Э э | Ю ю | Я я |
Пасйӧттэз
- ↑ Норманская Ю. В. Коми-язьвинский - диалект коми-пермяцкого или отдельный язык? // Ежегодник финно-угорских исследований. — 2020. — № 4.
- ↑ Юлия Баталина. Всяк сущий в нём язык, Новый компаньон (9 Одзар 2003). Дата обращения: 23 Аршӧр 2025.
- ↑ Коми-язьвинский язык | Малые языки России рус.. minlang.iling-ran.ru. Видзӧтӧм 23 Аршӧр 2025.
Литература
- Баталова Р. М. Коми-пермяцкий язык // Языки мира: Уральские языки / ИЯ РАН. — М.: Наука, 1993. — С. 239. — 398 с. — 1100 экз. — ISBN 5-02-011069-8.
- Кельмаков В. К. Опыт создания письменности для коми-язьвинцев (рецензия) // Linguistica Uralica. — 2004. — Т. XL, вып. 2. — С. 135—147.
- Лобанова А. С., Кичигина К. С. Русско—коми-язьвинский словарь. — Пермь: Пермский государственный гуманитарно-педагогический университет, 2012. — 244 с.
- Лыткин В. И. Коми-язьвинский диалект. — М.: Изд-во АН СССР, 1961. — 228 с.
- Паршакова А. Л. Коми-язьвинский букварь. Учебное издание. — Пермь: Пермское книжное издательство, 2003. — 135 с.
- Пермские языки // Основы финно-угорского языкознания / ИЯ АН СССР. — М.: Наука, 1976. — Т. 3. — С. 131—132. — 464 с. — 2000 экз.
- Hausenberg, Anu-Reet. Komi // The Uralic Languages / Daniel Abondolo. — Routledge, 1998. — ISBN 0-415-08198-X.
- Голикова Т. А. Введение в языкознание: учебное пособие. — Москва, Берлин: Директ-Медиа, 2015. — 228 с.