Хорошев Савелий Ипатович
| Хорошев Савелий Ипатович | |
|---|---|
 | |
| Чужан лун: | 1873 во |
| Чужанін: | |
| Кулан лун: | 1921 во |
| Куланін: | |
| Канму | |
| Удж | фельдшер |
Хорошев Савелий Ипатович (1873 во, Русакова — 1921 во, Кудымкар) — Коми-Пермяцкӧй округись гора нима морт, фельдшер. Сы нимӧн шуӧм Кудымкарись улица.
Олантуй
Чужис 1873 воӧ[1] Юсьва волостись Русакова деревняын (ӧння кадӧ Сыскино)[2]. Кысъяліс царскӧй армияын. Помаліс ротнӧй фельдшер курссэз.
1901 во тулыспомӧ бертіс Кудымкарӧ. 20 во сьӧрна уджаліс Кудымкар больницаын[1]. Бурдӧтіс уна отир ӧння Коми округ пасьта. Пессис пӧрӧссэз паныт. 1905 воӧ сы мог сьӧрті Кудымкарын вӧлі осьтӧм ясли-приют[3].
Куліс 1921 во тӧвпомӧ тифсянь[1].
Касьтылӧм
- Кудымкарын С.И. Хорошев нимӧн шуӧм улица[4]. Туйвеж керку вылӧ ӧшӧтӧм мемориальнӧй пӧв[3].
Пасйӧттэз
- ↑ 1 2 3 [Хорошев Савелий Ипатович] Гордость Пармы : [биографический справочник]. —Кудымкар : Коми-Пермяцкое книжное издательство, 2008. — 568 с. — С. 185.
- ↑ [Сыскино] // Народная энциклопедия деревень Юсьвинского района Пермского края
- ↑ 1 2 Мемориальная доска Хорошеву С.И. База данных «Памятники, памятные знаки, исторические здания и места Коми-Пермяцкого округа» // Коми-Пермяцкий окружной государственный архив
- ↑ Улица Хорошева, Кудымкар, Пермский край / Яндекс.Карты