Томилин Авенир Григорьевич

Босьтöм Рувикиись
РУВИКИ-ын эмӧсь статьяэз мӧдік морттэз йылісь гижсянӧн Томилин.
Томилин Авенир Григорьевич
Tomil.jpg
Чужан лун 1912 во арпом 15 лун
Чужанін Кудымкар, Соликамскӧй уезд, Пермскӧй губерния, Российскӧй империя
Кулан лун 2000 во аршӧр 25 лун
Куланін Балашиха, Москва область, Российскӧй Федерация
Канму
Наука юкӧн биология
Уджаланін МПМИ,
ВСИХЗО
Велӧтчанін Москва канму университет
Учёнӧй тшупӧт биология доктор
Учёнӧй званнё профессор
Донтан пассэз да премияэз
Орден Отечественной войны II степени  — 1985

Томилин Авенир Григорьевич (1912 во арпом 15 лун, Кудымкар, Соликамскӧй уезд, Пермскӧй губерния, Российскӧй империя — 2000 во аршӧр 25 лун, Москва, Российскӧй Федерация) — советскӧй да российскӧй биолог, ва млекопитающӧйез сьӧрті специалист, биология доктор, профессор, наука популяризатор.

Олантуй

Чужис 1912 во арпом 15 лунӧ Кудымкарын (мӧдік даннӧйез сьӧрті Кудымкар районын), айыс вӧлі велӧтісь[1].

1929 воӧ помаліс Кудымкарись шӧрӧт школа ды пырис велӧтчыны Москва канму университетісь  (перм.рус. биология факультетӧ. Велӧтчикас участвуйтіс экспедицияэзын Чёшскӧй губаӧ да Виль Му ді вылӧ[2]. Маточкин Шар висын лыддис белухаэзӧс. С. И. Огнёвлӧн  (перм.рус. велӧтчись. Помаліс университетсӧ 1933 воӧ, дорйис Коми-Пермяцкӧй округын олісь млекопитающӧйез йылісь диплом, да вӧлі босьтӧм аспирантураӧ сюрсаэз зоология кафедра вылӧ[2][3].

Аспирантураын медодзза велӧтчан воӧ 8 тӧлісь сьӧрна уджаліс Ылісь Асыввылын киттэз тӧдмалана экспедцияын[2][4]. 1937 воӧ дорйис кандидатскӧй диссертация (рочӧн темаыс «Тихоокеанские киты Северного полушария»). Аспирантурасӧ помалӧм бӧрын уджаліс Москвася вӧралан вӧрпиэз биология да кыйӧм сьӧрті центральнӧй лабораторияын, сэсся вӧлі ыстӧм уджавны Ростов канму университетӧ сюрсаэз зоология кафедра велӧтісьӧн[3].

Великӧй Отечественнӧй война пондӧтчикӧ, 1941 во арӧн, вӧлі босьтӧм армияӧ. Харьков дынын сы эшелоныс вӧлі паздӧм, сія сюрис пленӧ. 41 лун бӧрті кужис пышшыны пленсис да адззыны партнизаннэзӧс[3]. Гӧрд Армия локтікӧн вились вӧлі мобилизуйтӧм. Участвуйтіс Днепр ю форсируйтӧмын. Сэсся вӧлі ыстӧм кысъявны Новогиреево понвӧдитан питомникӧ, кӧдаын поннэсӧ велӧтісӧ эвакуируйтны бой местаись доймӧм морттэзӧс да подрывайтны танккез[4].

Война бӧрын бертіс наукаӧ. 1947 воӧ дорйис докторскӧй диссертация (темаыс рочӧн «Проблемы экологии кито­образных»).

Кузь олан уджаліс Москваись пушно-меховӧй институтын (1956 восянь шусис Союзпасьтся заочнӧя велӧтана мувидзудж институт  (перм.рус. ), вӧлі вӧралӧмтӧдӧм кафедра велӧтісьӧн.

Куліс 2000 во аршӧр 25 лунӧ. Дзебӧм Балашихаын[5].

Туялӧм удж

Докторскӧй диссертациясис лӧсьӧтіс да 1957 воӧ лэдзис фундаментальнӧй удж — «Китообразные»[6]. Гижис 300 мымда туялан статья, 21 небӧг, ныись 8 петісӧ визир сайын немецкӧй, французскӧй, английскӧй да мӧдік кыввез вылын[3].

Участвуйтіс «РСФСР-лӧн Гӧрд небӧг» (рочӧн «Красная книга РСФСР») да «Биологический энциклопедический словарь» гижӧмын. Гижис 50 статья «Большая советская энциклопедия» понда[3].

Сы кипод увтісь петісӧ 14 биология кандидат[3]. Соавтор кык гидробионика сьӧрті научнӧй открытиелӧн (1968 во одзтӧв 2 лунся № 95, 1982 во арпом 4 лунся № 265)[3].

Небӧггес

  • Томилин А. Г. Китообразные фауны морей СССР. — М.: Издательство Академии наук СССР, 1962.
  • Томилин А. Г. История слепого кашалота. — М.: Наука, 1965.
  • Томилин А. Г. Дельфины служат человеку. — М.: Наука, 1969.
  • Томилин А. Г. В мире китов и дельфинов. — М.: Знание, 1974/1980.
  • Томилин А. Г. Снова в воду: Биологический очерк об околоводных, полуводных и водных млекопитающих. — М.: Знание, 1977/1984.

Мукӧд публикацияэс

  • Доктор биологических наук А. Г. Томилин. К вопросу о содержании дельфинов в неволе и их поведении // «Бюллетень Московского острова испытателей природы. Отдел биологический», вып. 3, 1971.
  • Профессор А. Томилин. Первый советский дельфинарий // Журнал «Охота и охотничье хозяйство», № 6, 1975. С. 46
  • А. Томилин, Я. Близнюк. Поведение дельфинов // Журнал «Охота и охотничье хозяйство», № 5, 1978. С. 42-43

Донтан пассэз

  • Отечественнӧй войнася II тшупӧта орден
  • Российскӧй Федерациялӧн наукаын Заслуженнӧй уджалісь (1993)
  • Российскӧй Федерациялӧн вӧралӧм уджын Заслуженнӧй уджалісь

Семья

  • Медодзза иньыс — Софья Ильинична, английскӧй кыв велӧтісь, куліс томӧн раксянь[4].
    • Нывныс — Юлия Авенировна Томилина (1946), балерина[4].
      • Нучаткаэс — Софья Томилина, хореограф, Российскӧй Федерациялӧн Заслуженнӧй тренер; Анна, кардиолог.
  • Мӧдӧдзза иньыс (1970 восянь) — Клера Михайловна[4].
  • Ыджыт воныс — Александр, велӧтчис Московскӧй дирижабльстроитан институтын, конструктор.
  • Учӧт воныс— Владимир (1925—2002), Великӧй Отечественнӧй войнаын участник[4].

Пасйӧттэз

  1. ↑ Томилин Авенир Григорьевич // Гордость Пармы : биографический справочник / [редкол.: Л. П. Ратегова (гл. ред.) и др.]. — Кудымкар : Коми-Пермяцкое книжное изд-во, 2008. — С. 175—176. — 563 с. — ISBN 978-5-87901-121-0
  2. ↑ 1 2 3 Авенир Григорьевич Томилин (к 60-летию со дня рождения) // журнал «Охота и охотничье хозяйство», № 1, 1973. стр.22-23
  3. ↑ 1 2 3 4 5 6 7 Томилин Авенир Григорьевич Проект «Биологический факультет в Великой Отечественной войне» // Московский государственный университет Видзӧтан кад: 22.05.2025
  4. ↑ 1 2 3 4 5 6 Корытин С. А., Игнатьев В. А., Храм Дианы на Пехре: К истории охотоведения в России. Киров (Вятка) ООО Альфа-Ком, 2006, 552 с. ISBN 5-85908-081-6
  5. ↑ Святослав Коновалов. Известный учёный-биолог Авенир Томилин жил и работал в Балашихе ИА Большая Балашиха (07.04.2025) Видзӧтан кад: 22.05.2025
  6. ↑ Любарский, Г. Ю. История Зоологического музея МГУ: Идеи, люди, структуры / Зоологический музей МГУ. — М.: Т-во науч. изд. КМК, 2009. — 744 с. — ISBN 978-5-87317-605-2. Архивная копия от 6 Одзгожум 2014 на Wayback Machine C. 649.

Ыстӧттэз

Босьтӧма "https://koi.ruwiki.ru/w/index.php?title=Томилин_Авенир_Григорьевич&oldid=207319"-ись