Савельев Александр Павлович
| Савельев Александр Павлович | |
|---|---|
 | |
| Чужан лун | 1956 во арпом 27 лун |
| Чужанін | Архангельскӧй посад, Юсьва район, Коми-Пермяйцкӧй национальнӧй округ, РСФСР, СССР |
| Канму |
 СССР→ Российскӧй Федерация |
| Наука юкӧн | биология |
| Уджаланін | Вӧралӧм да вӧрпавӧдитӧм туялан институт |
| Велӧтчанін | Перем канму университет |
| Учёнӧй тшупӧт | биология доктор |
| Тӧдса кыдз | мӧйез сьӧрті специалист |
Савельев Александр Павлович (1956 во арпом 27 лун, Архангельскӧй посад, Юсьва район, Коми-Пермяцкӧй национальнӧй округ, РСФСР, СССР) — российскӧй биолог, биология доктор, мӧйез сьӧрті ыджыт специалист, Российскӧй Федерациялӧн наукаын да ыджыт технологияэзын Почётнӧй уджалісь (2021).
Олантуй
Чужис 1956 во арпом 27 лунӧ Архангельскӧй посадын. 1974 воӧ помаліс Юсьваын шӧрӧт школа. 1974—1979 воэзӧ велӧтчис Перем канму университетісь биология факультетын[1].
1979 восянь уджалӧ Кировын Б. М. Житков нима Россияпасьтся вӧралӧм да вӧрпавӧдитӧм туялан-тӧдмалан институтын (ВНИИОЗ): старшӧй лаборант (1979—1983), младшӧй научнӧй сотрудник (1983—1992), старшӧй научнӧй сотрудник (1992—2001), экология лаборатория юралісь (2001—2005), животнӧйез экология юкӧтӧн юралісь (2005—2015).
2015 восянь ӧнӧдз — юралісь научнӧй сотрудник[2].
Олӧ Кировын.
Туялан удж
1989 воӧ дорйис биология кандидат диссертация (темаыс рочӧн «Сравнительная биологическая характеристика европейского и канадского бобров в СССР (адаптивные изменения при акклиматизации»).
2003 воӧ дорйис биология доктор диссертация (темаыс рочӧн «Биологические особенности аборигенных и искусственно созданных популяций бобров Евразии и их значение для стратегии управления ресурсами»).
Туялӧ вӧралан вӧрпиэз овмӧтӧмлісь эколого-генетическӧй бӧртассэз, медтӧдчана вӧралана вӧрпиэзлісь филогеография да фаунистика, быдкодь мӧйезӧс (Castor fiber да C. canadensis).
Организуйтіс мӧйезӧс Монголияӧ да дозмӧррезӧс Польшаӧ овмӧтӧм.
РАН дынся Териология чукӧрӧ пырись, мӧйез сьӧрті уджалан группаӧн юралісь.
«Вестник охотоведения», «Аграрная наука Евро-Северо-Востока», «Экосистемы», «Охота и охотничье хозяйство» нима журналлэзлӧн редколлегияэзӧ пырись.
1997 восянь пырӧ Германияись Териология чукӧрӧ (нем. Deutsche Gesellschaft für Säugetierkunde).
2000 восянь Вӧрпиэз да вӧралӧм туялан чукӧрӧ пырись (нем. Gesellschaft für Wildtier- und Jagdforschung e.V., Berlin).
Программа «Тува мӧй»
1995 восянь юралӧ «Тува мӧй» комплекса тӧдмалан программаӧн. Программаыс сьӧрті керӧмӧсь торья проекттэз (рочӧн «Реакклиматизация тувинского бобра в Тодже» (2000—2004); «Изучение, сохранение и восстановление редкого вида тувинского бобра на территории Республики Тыва» (2003)[3].
Небӧггес да публикацияэс
Гижис 400-ся унажык туялан удж, унажыкыс ныись публикуйтӧм мирын медтӧдчана журналлэзын[2].
Донтан пассэз
- Вежа Георгий Вермись медаль (Россия, 2004)[2].
- Почёта Эзысь медаль (Германия, 2011)[2].
- Российскӧй Федерациялӧн наукаын да ыджыт технологияэзын Почётнӧй уджалісь (Россия, 2021)[2].
Содтӧт информация
- 2012 воӧ Александр Савельевыс нимӧн вӧлі шуӧм наукаын виль адззӧм акариморфа гагтой — Schizocarpus saveljevi, кӧда олӧ Евразияын олісь мӧйез гӧнын[4].
Пасйӧттэз
- ↑ Савельев Александр Павлович // Гордость Пармы : биографический справочник / [редкол.: Л. П. Ратегова (гл. ред.) и др.]. — Кудымкар : Коми-Пермяцкое книжное изд-во, 2008. — С. 537. — 563 с. — ISBN 978-5-87901-121-0
- ↑ 1 2 3 4 5 Савельев Александр Павлович ФГБНУ «Всероссийский научно-исследовательский институт охотничьего хозяйства и звероводства имени профессора Б. М. Житкова» Видзӧтан кад: 26.05.2025
- ↑ * Виктория Ховалынг. Тувинский бобр — всем бобрам родоначальник, «Центр Азии» № 43 (1 — 8 ноября 2004) Видзӧтан кад: 27.05.2025
- ↑ Александру Павловичу Савельеву — 60 лет ВНИИОЗ (27.11.2016) Видзӧтан кад: 26.05.2025
Ыстӧттэз
- Александр Савельев йылісь ВНИИОЗ сайтын
- Alexander Saveljev ORCID http://orcid.org/0000-0002-8103-5787
- Alexander Saveljev in Google Scholar https://scholar.google.ru/citations?user=W25uW4EAAAAJ&hl=ru