Памятник Ленинлӧ (Перем)
| Памятник | |
| Памятник В. И. Ленинлӧ | |
|---|---|
 | |
| 58°00′52″ с. ш. 56°14′50″ в. д.HGЯO | |
| Канму | Россия |
| Кар | Перем |
| Статус |
 Россия йӧззэзлӧн культура эмбур объект федеральнӧй тӧдчӧта. Рег. № 591410303400006 (ЕГРОКН). Объект № 5910006000 (БД Викигида) |
 |
|
Памятник Владимир Ильич Ленинлӧ (рочӧн Памятник Владимиру Ильичу Ленину) — памятник В. И. Ленинлӧ Перемын, П. И. Чайковский нима Перем опера да балет театр одзын. Вӧлі осьтӧм 1954 во аршӧр 4 лунӧ[1]. Федеральнӧй тӧдчӧта монументальнӧй искусствоа памятник[2].
История
Проектыс вӧлі керӧм Пермскӧй облисполком заказ сьӧрті. Памятниксӧ сувтӧтӧм йылісь № 505 постановленнёсӧ бурсьӧтіс РСФСР-лӧн СНК 1939 вося одзар 25 лунӧ. Памятникыс вӧлі осьтӧм 1954 во аршӧр 14 лунӧ[3].
Памятникыслӧн автор — скульптор Георгий Нерода, РСФСР-лӧн народнӧй художник, СССР художествоа академияись член-корреспондент. Проектыслӧн архитектор — Иван Таранов.
Памятникыс вӧлі сувтӧтӧм П. И. Чайковский нима Перем опера да балет театр одзӧ, сідз кыдз сыын 1917 во одзтӧв 16-17 луннэзӧ чулаліс I рабочӧйез да солдатскӧй советтэзлӧн съезд, кӧда коста Пермскӧй губернияын вӧлі пуктӧм Советскӧй юралӧм.
Одзжык памятник местаын вӧлі Вежа Николай Чудотворец нима 1812 вося Отечественнӧй война кастылан вичку, сійӧ разисӧ 1930-ӧт воэзӧ[4].
1960 воӧ памятниклӧ вӧлі сетӧм монументальнӧй искусствоа федеральнӧй тӧдчӧта статус (РСФСР Министррез Советлӧн № 1327 1960 во гожумпом 30 лунся постановленнё)[2].
Гижалӧм
Памятникыс сулалӧ сквер шӧрын (ӧння кадӧ Театральнӧй сад), сійӧ позьӧ видзӧтны быд ладорсянь. Гӧрд гранитісь постамент вылын сьӧд гранитісь керӧм гижӧт «ЛЕНИН». Памятникыс невна статичнӧй сы кузя, мыля постамент да Лениныслӧн фигураыс ӧтыждаӧсь: фигураыс — 5 метра, постамент — 5 метра, постаментлӧн ыждаыс 5 метра, сы гӧгӧрся отыс — 11,6 — 11,6 м.
Георгий Нерода висьтасьлӧм[5]:
А. В. Луначарский отсаліс меным видзӧтны киноплёнка, кӧда вӧлі снимайтӧма Владимир Ильичлӧн олікӧ. Ме судзӧті кинопередвижка важ образец сьӧрті, кӧда вылын верми бергӧтлыны лентаэсӧ, сувтӧтны любӧй кадр ...и керны В. И. Ленинлісь портреттэз кыдз бы натюрморт вылісь. Ме вились лыддьӧтлі В. И. Ленинлісь уджжез, кӧдна сетлісӧ меным возможность представитны сы думайтӧмлісь грандиознӧй масштаб, лыддьӧтлі современниккезлісь, роднӧй да сылӧ матісь отирлісь казьмӧтчӧммез, чукӧртлывлі фотографияэзлісь да рисуноккезлісь коллекция, кӧдна керӧмӧсь натураись...
Пасйӧттэз
- ↑ С. А. Торопов. Пермь: путеводитель. — Пермь: Кн. изд-во, 1986.
- ↑ 1 2 Единый государственный реестр объектов культурного наследия (памятников истории и культуры) народов Российской Федерации. Видзӧтан кад 2025-06-30
- ↑ Константин Бахарев. Архивные документы расскажут о драматической судьбе пермских памятников Российская газета — Пермский край (21.06.2023) Видзӧтан кад 2025-07-01
- ↑ Светлана Федотова. Открытие памятника Ленину в сквере театра оперы и балета Новый компаньон (04.05.2016) Видзӧтан кад 2025-07-01
- ↑ Г. В. Нерода. Воспоминания. — Вечерняя Пермь, 1971, 30 июля.
Ыстӧттэз
- В. И. Ленинлӧ памятник йылісь Туристический портал Пермского края «Пермь Великая»;
- В. И Ленинлӧ памятник проект (серпассэз) Пермская государственная художественная галерея.