Мошегов Кондратий Михайлович
| Мошегов Кондратий Михайлович | |
| Удж: | |
|---|---|
| Чужан лун: |
1881’ во |
| Чужанін: | |
| Кулан лун: |
1965’ во |
Мошегов Кондратий Михайлович (1881-1937) — велӧтісь, вуджӧтісь.
Олантуй
Чужис 1881 воӧ Дуроваын[1]. 1901 воӧ помаліс Казанскӧй учительскӧй семинария[2]. Бертіс гортас да пондіс уджавны Чазёв школаын[3].
1906 воӧ лэдзис велӧтчан небöг — «Первоначальный учебник русского языка для чердынских пермяков»[4]. 1908 воö петіс челядь понда велöтчан небöг — «Букварь для пермяцких детей на чердынском наречии». Сійӧ Мошеговыс лӧсьӧтіс ӧтлаын Пётр Щаповкӧт[4], кӧда кыдз и Мошеговыс помаліс Казанскӧй учительскӧй семинария, но сёронжык — 1908 воӧ[2]. Одзкылас велöтiссез понда автор лöсьöтöма отсöт, кытöн мыччалöм кылыслiсь аскодьсö[5].
1909 воö петіс небӧг «Книга для чтения и практических упражнений на пермяцком языке». Сiя жö кадö Мошегов аслас деньга вылö Казаньöдз иньдöтö велöтчыны челядьöс.
1910-1913 воэзӧ уджаліс велӧтісьӧн начальнӧй училищеын Юксееваын. 1917 вося революция бöрын одзлань нуöтіс отирлö колана удж: лöсьöтіс небöггез, öктіс важ олан йылiсь материал – легендаэз, сказкаэз, гöтрасян обычайез, чукöртіс му пытшкись кольччöм предметтэз. Сы кадӧ юраліс Косинскöй роноöн[3].
Чужанкыв туйдöтіс Мошеговöс öтiк кыв вылiсь мöдiк кыв вылö вуджöтан удж дынö. Вуджöтіс А.С. Пушкинлiсь «Чериалiсь да чериок йылiсь сказка», И.А. Крыловлiсь басняэз[3].
1937 во гожумпом 15 лунӧ вӧлі арестуйтӧм, сылӧ инкриминитуйтісӧ контрреволюционнӧй удж. Одзар 13 лунӧ вӧлі осудитӧм 10 во кеж. 1962 воӧ вӧлі реабилитируйтӧм[6].
Небӧггез
- Мошегов К. М. Букварь для пермяцких детей (На чердын. наречии). — Казань : Перевод. комис. при Упр. учеб. округа, Центр. тип., 1908. — 40 с. ил.
- Щапов П. В. Вторая книга для чтения и практических упражнений на пермяцком языке / Издана под ред. К. М. Мошегова и Д. Ф. Богданова. — Казань : Перевод. комис. при Упр. Казан. учеб. округа, Центр. тип., 1909. — 78 с.
Пасйӧттэз
- ↑ Гордость Пармы : биографический справочник / редкол.: Л. П. Ратегова, гл. ред. и др. — 2-е изд., стер. — Кудымкар : Коми-Пермяц. кн. изд-во, 2010
- ↑ 2,0 2,1 Исхаков Р. Р., Багаутдинова Х. З. Список окончивших курс воспитанников Казанской учительской семинарии (1875-1918 гг.) // ИКНСП. 2023. №1.
- ↑ 3,0 3,1 3,2 Мошегов Кондратий Михайлович. Коми-пермяцкӧй кыв. Энциклопедия. Велӧтіссезлісь удж бурсьӧтана Коми-Пермяцкӧй институт.
- ↑ 4,0 4,1 Гайдамашко Р. В. Из наблюдений над коми-пермяцкой лексикой в "Первоначальном учебнике русского языка для чердынских пермяков" 1906 г. // Вестник Пермского университета. Российская и зарубежная филология. 2018. №3.
- ↑ Галкина М.Е. Кондратий Михайлович Мошегов: лингвистический портрет // Материальная и духовная культура народов Урала и Поволжья: история и современность : материалы Всероссийской научно-практической конференции 52 (г. Глазов, 13 декабря 2012 г.) : сб. статей / отв. ред. Л.Н. Бехтерева. – Ижевск: УИИЯЛ УрО РАН, 2013. – С. 125–126
- ↑ Кондратий Михайлович МОШЕГОВ / Администрация Кочёвского муниципального округа