Лесников Валерий Афанасьевич
| Лесников Валерий Афанасьевич | |
|---|---|
 | |
| Чужан лун: | 1947 во тӧвшӧр 15 лун (78 лет) |
| Чужанін: | |
| Канму | |
| Удж | велӧтісь |
Лесников Валерий Афанасьевич (1947 во тӧвшӧр 15 лун, Федюнёвчи, Кудымкар район, Коми-Пермяцкӧй национальнӧй округ) — велӧтісь, Кудымкар районлӧн Почётнӧй гражданин.
Олантуй
Чужис 1947 во тӧвшӧр 15 лунӧ Федюнёвчиын (Ошыб дынын). Велӧтчис Конан, Гурин да Ошыб школаэзын.
1961—1965 воэзӧ велӧтчис Кудымкарись педагогическӧй училищеын. Помалӧм бӧрын уджаліс математика да удж сьӧрті велӧтісьӧн Ошыб кыкьямыскласса школаын.
1966—1969 воэзӧ кысъяліс Советскӧй армияын, СССР да Китай визир вылын.
1969 воӧ, демобилизация бӧрын, пондіс уджавны биология да химия велӧтісьӧн Разин школаын.
1971—1977 воэзӧ велӧтчис Пермскӧй педагогическӧй институтісь биологическӧй факультетын.
1977—1980 воэзӧ директораліс Полва шӧрӧт школаын.
1980 воӧ вӧлі ыстӧм директорӧн Йӧг шӧрӧт школаӧ, директораліс 27 во сьӧрна.[1]
2007 воӧ петіс пенсия вылӧ.
Юралӧ Йӧгись ветеранскӧй организацияӧн[2]. Орсӧ баянӧн да гармонняӧн Йӧгись да Мижуйись ансамбллез понда[3].
Донтан пассэз
- Кудымкар районлӧн Почётнӧй гражданин (2022)[4].
Пасйӧттэз
- ↑ Уникальные люди — золотой фонд района Иньвенскӧй край (08.09.2022)
- ↑ В. Пахорукова. Здесь в людях ценится душа Иньвенскӧй край (02.10.2014)
- ↑ Иван Шипицин. Веселит народ «Калинка» Иньвенский край (07.02.2013)
- ↑ Почетные граждане Кудымкарского муниципального района Кудымкарского муниципального округа Пермского края Иньвенский край (29.02.2024)