Круиззэз Донӧт
| Вавывся круиз | |
| Круиззэз Донӧт | |
|---|---|
.jpg) | |
| Ветлӧм характер | культура тӧдмалан туризм |
| Вид | экскурсяэза тур |
| Мунӧм | теплоход |
Круиззэз Донӧт (рочӧн Круизы по Дону) — Донӧт уялан теплоходдэз вылын экскурсияэза маршруттэз, кӧднаӧ пырӧны вадорся каррезӧ ветлӧм да ныын сингажӧтаннэз видзӧтӧм. Навигацияыс Дон вылӧт Дон-вывся-Ростовын пондӧтчӧ тулысшӧр помын да помассьӧ аршӧр одзын[1].
Гижалӧм
Дон— Россиялӧн Европа ладорын кузяыс сьӧрті куимӧт ю. Донӧт круиз коста туристтэз вермӧны ветлыны ассяма казачӧй каррезӧ да станицаэӧ.
Круиз программаэс юксьӧны кык тип вылӧ — шоччисян лунся ветлӧм теплоходӧн Дон да Волга-Дон канал кузя, да кузьжык маршрутӧт, кӧда пондӧтчӧ Дон-вывся-Ростовсянь, вуджӧ Волга-Дон каналӧт Волгаӧ, кытӧн теплоходыс пыравлӧ Волга дорся каррезӧ[2]. Сія вермас кыссьыны 4 лунсянь 30 лунӧдз[3].
Волга-Дон каналӧт мунан вавывся тур, кӧда пондӧтчӧ Москваын нето Санкт-Петербургын, кыссьӧ 11 лун дырна, сідз кыдз теплоходыс мунӧ 10-ся унажык шлюз пырйӧт. Дон-вывся-Ростовын помасяна Дон кузя круизӧ позьӧ иньдӧтчыны сідзжӧ Нижньӧй Новгородісь, Казанись, Самараись, Саратовись да Волгоградісь[4]. Санкт-Петербругись Дон-вывся-Ростовӧ круизыс мунӧ Донӧт, Таганрог курьяӧт, Волгаӧт, Самара юӧт, Камаӧт, Окаӧт, Рыбинск вавидзанӧт, Шекснаӧт, Онега да Ладога тыэзӧт, Фин курьяӧт да Неваӧт[5].
Пондӧтчӧ ко маршрутыс Москвасянь, сэк круизыс мунӧ Москва-юӧт, Клязьмаӧт, Волгаӧт, Рыбинск вавидзанӧт, Окаӧт, Камаӧт, Самараӧт да Донӧт.
Дон кузя круиззэз коста туристтэс вермӧны видзӧтны теплоход борт вывсянь нето ветлыны сэтшӧм местаэзӧ, кыдз Старочеркасскӧй станица, кӧда лыддиссьӧ донскӧй край сьӧлӧмӧн. 1644 восянь 1805 воӧдз сія вӧлі казачестволӧн юркарӧн. 1970 воӧ Михаил Шолохов инициатива сьӧрті сэтчин вӧлі осьтӧм Старочеркасскӧй историко-архитектурнӧй музей, кӧда 62,88 га ыжда, сыын 100-ся унажык гражданскӧй да культовӧй архитектуралӧн памятниккез[6].
.jpg)
Маршруттэз да сувтчаніннэз
- Дон-вывся-Ростов — Саратов (9 лун) — Старочеркасская → Константиновск → Ильевка → Волгоград
- Дон-вывся-Ростов — Волгоград (4-7 лун) — Старочеркасская → Константиновск → Ильевка
- Дон-вывся-Ростов — Нижньӧй Новгород (9 лун) — Старочеркасская → Константиновск → Ильевка → Волгоград → Саратов → Самара → Казань
- Дон-вывся-Ростов — Казань (6-7-10 лун) — Старочеркасская → Константиновск → Ильевка → Волгоград → Саратов → Самара
- Дон-вывся-Ростов — Самара (6 лун) — Старочеркасская → Константиновск → Ильевка → Волгоград → Саратов
- Дон-вывся-Ростов — Волгоград — Дон-вывся-Ростов (5 лун) — Романовская → Волгоград → Старочеркасская
- Дон-вывся-Ростов — Астрахань — Дон-вывся-Ростов (9 лун) — Романовская → Волгоград → Астрахань → Никольское → Ильевка → Константиновск → Старочеркасская
- Дон-вывся-Ростов — Москва (16 лун) — Романовская → Волгоград → Саратов → Самара → Болгар → Елабуга → Чайковский → Перем → Сарапул → Чистополь → Казань → Нижньӧй Новгород → Городец → Ярославль → Углич
- Дон-вывся-Ростов — Перем (9 лун) — Романовская → Волгоград → Саратов → Самара → Болгар → Елабуга → Чайковскӧй[7]
- Дон-вывся-Ростов — Санкт-Петербург (14 лун) — День на воде → Волгоград → Саратов → Самара → Казань → Чебоксары → Нижньӧй Новгород/Чкаловск → Ярославль → Горицы → Кижи → Мандроги → Валаам
Теплоходдэз
- Иван Бунин
- Волга Стар
- Генерал Лавриненков
- Максим Литвинов
- Александра (Т. Г. Шевченко)
- Семён Будённый
- Константин Федин
Пасйӧттэз
- ↑ Навигация 2025 года в Ростове-на-Дону.
- ↑ Речные круизы по Дону в 2024 году рус..
- ↑ Речные круизы из Москвы по Дону 2025 (ru-RU).
- ↑ Речные круизы по Дону на 2025-2026 год, Круиз-Россия. Дата обращения: 24 Тулысшӧр 2025.
- ↑ Речные круизы из Ростова-на-Дону в Санкт-Петербург 2025 (ru-RU).
- ↑ Алфеева, Ульяна. Топ-10 знаковых мест Дона. Где обязательно нужно побывать туристу, AiF (14 Аршӧр 2021). Дата обращения: 24 Тулысшӧр 2025.
- ↑ Речные круизы по реке Дон в 2025 году (ru-RU).
|
Эта материал право видзисьӧн лоӧ АНО «Интернет-энциклопедия «РУВИКИ». Материалсӧ позьӧ пуктыны мӧдік сайттэзын АНО «Интернет-энциклопедия «РУВИКИ» корӧмӧн. |